Popular Bible Verses from Barua ya Vaefeso 4

Share

Lingi veń vandu vakuworie ndewu sheelwa ini mu veni na mu veni na vawore ililia mwikutiaa sheeli na Iṛuva andemutia akee na Kristo.

Muve vandu va useli na va uwoo na va isisiria na va yelekana na ikunda.

Kirero kyoose kikasha kitasomuke kaniń kanu, kake kilya kikee kisha kya yelekia ulya mutiṅwa, amu kisenye vaaranya.

Ivavisa lyoose na sua na tuṛuka na kiṛoṛongyo na firumu fisie kwanu andu emwi na ukasha lwa mikae yoose.

Mukaliwa nngoo manya mutatane mareko. Manya kutaile mutuṛukiani. Manya mutaotoṛie ulya afingiaa vengi uresi mwaanya.

Kyasia ṛikeń mikae ilya mikasha mundeisoṛa mbele ikuretaa yo meni na milangie ya ulembi. Muvaue mirima yanu mukuware na mikae miiya yukie kwa Iṛuva iwore usumani na usongovisi lwa dede.

Kwa ikyo sheeli Mumuyo andemwaṛua mukava kimwi engeṛień ikulunga na witanu.

Nae yye andeaṛua vengi vave varumi na vengi vave vaauya na vengi vave vakwanisa na vengi vave veesi na valosha. Kikava kuro, amu asumanise vasongori, amu mashoṛa a iṛundia vengi aawukie na vvili wa Kristo — nto ini — usongosio̱. Kumande ise ti woose tifikiaa ikusura limwi na imanya nnu Mwana wa Iṛuva. Kuro llyo iva nndu asongoviswa, kumande tifikiaa unini lwa kyelelio kya usongovisi luukie kwa Kristo.

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo. Kake fikuware na miloshie ya dede na ikundana tiikuaṛukiaa findoń foose ito akee nrwe weru yye Kristo.