Popular Bible Verses from Barua ya Petiro ya kavili 3

Share

Nndumi asindaa yawutia kirero kilya kirekie ndi, sheeli vengi vakee ikusaṛa sheeli ansinda. Kake kiimba kyanu asisiriaa, fulya afurie nta nndu areke ndi, kake woose vailashike vakurre.

Kake ini vanavama vakunde manya mutarekio̱ kirero ki sheeli: Kwa Nndumi nkonu umwi uvakani na myaka kiku, lingi na myaka kiku ivakani na nkonu umwi“.

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Kake nkonu wa Nndumi ushaa kibashuka sha inini likee isha na kio. Llyo iṛuvewu liveṛukaa na ibaṛangaka inini, na findo filya fikee fa kimia fimuṛusoo firongore, na isanga limuṛusoo andu emwi na filya foose findetanwa wandu.

Kyasiań findo fo fimamiaa foose, a weendo lwanu naare mulutanaa, amu luve usongori mwikusuraa Iṛuva? Lingi muveree nkonu wa Nndumi umushee, amu mumakii inrishia. Amu nkyo kiimba iṛuvewu liveṛukaa liimuṛusoo mmuro na filya fiifo kuuka mbooko feetwaa mmuro.