Popular Bible Verses from Yoshuwa 6

Share

Muwaha Mulungu yakamulonjela Yoshuwa yakamutya, “Alu neza kukupela likaya lya Yeliko, no mutemi wayo, hamonga ne wasilikale wayo.

Ninga mu nghanghulo yo mupunghati, i wakohani watowe zindulele wazozize muno muno, ko mulilo we kweneza. Nanye kolo mukuhulika nhavivyo, ale i wanhu wose, wazozeze hamonga kwe mazi mawaha muno muno, hobaho i majinji ge likaya, gose gogwa hasi lwa kamonga. Nalyo lipuga lyose lye wasilikale, wawe kwinjila mwi'kaya lwa kamonga.”

Mulimo wenyu'nye wowa kulipilima likaya du vilo vyose kamonga kamonga mu vilo mutandatu.

Na mwi'zuwa lyo mupunghati, wakohani mupunghati, wasole munhu ndulele monga ye hembe lya nduwilu, walongolele ku mwande ye Lisanduku lye Cilagane. Nagwe, hamonga ne wasilikale wako, mulipilimaje likaya, sunga kali mupunghati, akuno i wakohani nawo wajendeleye du wakutowa zindulele zawo.

Baho malango ge likaya lya Yeliko, gekalaga madindwe, kanyhi galanjililwaga muno muno, ho Waisilayeli walece kwinjila. Kukawa kusina mono yakwinjila hamba kulawila mwi'kaya.

Ne nghanghulo yiyo yo mupunghati, lono i wakohani wali weza kwanza kuzitowa du zindulele, Yoshuwa yakawalonjela wanhu wose wazoze muno muno. Kanyhi yakawatya. “Muwaha Mulungu yakondya kumupelenyi likaya!

Holeka lu likaya lili, na vyose vyono vili mugati yalyo, yinojeye vyose viticimizwe no moto, ciwe cilavywa kuli Muwaha Mulungu. Langa Lahabu u musenyha, hamonga na vya mu nyumba yakwe, mulece kuwatendela vibi, hambi nha yawahundika i watandizi wetu wono cawatuma.