Popular Bible Verses from Wukumbucize wo Wulajilize 6

Share

Holeka mumwendaje Muwaha Mulungu wetu, kwe zinhumbula zenyu zose, na kwe mitima yenyu yose, na kwe vilungo vyenyu vyose.

Nanye mupiligale kuwejiza wana wenyu. Kanyhi mweze mupiligaye kuwejiza lono muli ha kaya, na lono muli mu mihinzo, na lono mwi'kaye mucehile, sunga na lono muli mu milimo yenyu.

Kanyhi mulecele lukulu kugasemwa malajilizo gaga gono nghumulajilizenyi izuwali.

“Anye nyo Isilayeli, ta mukumbucile! Muwaha Mulungu, yo Muwaha Mulungu yumonga du, yo Muwaha Mulungu wetu.

Kanyhi mugawope mu zimuhukumhuku ze miwoko yenyu, na haciligati ye meso, mu vihanda vyo wusu wenyu viwe nha citanjilo co kumukumbucizenyi nhondo zose.

Kanyhi mugandice na mu fulemu ze milango ye zikaya zenyu, na mu malango ge ziluwa zenyu.”

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

“Muwaha Mulungu, u Mulungu wenyu, komupelenyi yisi yono yina makaya mawaha, kanyhi maswanu muno, gono si mwagazenga nyenye nyo weneco, nha vyono yawehuwiza walezi wenyu, Abulahamu, na Isaka, na Yakobo. Ne zikaya zolowa zimemile vinhu viswanu vyono si mwavisawa nyenye. Kanyhi ne masima gono si mwagahimba nyenye nyo weneco, ne migunda ya zabibu na ye mizeyituni yono si mwayihadika nyenye nyo weneco. Na kolo Muwaha Mulungu yakondya kumwinjizenyi mu yisi yiyi, nanye muwe mwakondya kuvituga vinhu vyose vyono mowa kuhila kulya, mulanjilile, mulecele lukulu kumusemwa Muwaha Mulungu, mono yamuwusenyi ku wulawa ku Misili, kono mwali muli wawanda.

“Na gagano go malajilizo gose gono Muwaha Mulungu, u Mulungu wenyu, yandajilize nimwijizenyi. Holeka mweze na cihuliko, kanyhi mugakamise muno, mumo mu yisi yono aluno mweza kwinjila no kuyisola yiwe yenyu. Nanye hamonga ne wana wenyu mweze muli cogopo kuli Muwaha Mulungu, u Mulungu wenyu, muwukamise wutemye wakwe malajilizo gakwe gono nghumulajilizenyi izuwali, mu vilo vyose vyo wikale wenyu, ho musume kwikala vilo vinji mumo mu yisi yiyo.

Kanyhi mweze kwituma zono Muwaha Mulungu yakuzilajiza, iziswanu na zo mugoloka. Na holeka mosuma kumoteswa muli zenyu zose, no kuyisola yisi yiwe yenyu, i yisi yono yina moso, yisi yono Muwaha Mulungu yawehuwiza i walezi wenyu.

Na hono mwijelele du muyihembe milungu yinji, ale, likuwo lyo Muwaha Mulungu lyomuzizenyi nha moto mukali, nalyo lyomongomezezenyi lukulu. Hambi Muwaha Mulungu, u Mulungu wenyu mono yali haciligati yenyu, nha Mulungu mono si kosuma kwisumaniza na yunji wo wose.

Mulecele lukulu kuhemba milungu yinji yoyose, ya muli milungu ye wanhu wono wamupilimenyi yono wakuyihemba.

“Kanyhi mulecele lukulu kumujela u Muwaha Mulungu, u Mulungu wenyu, nha vyono mwanoza ha Masa.