Popular Bible Verses from Wukumbucize wo Wulajilize 5

Share

“Wuwogopaje sogo no nyina yako, nha vyono nghukulajiliza, ane no Muwaha Mulungu, u Mulungu wako, ho wusume kutuga wumoteswe, na kanyhi ho wusume kwikala vilo vinji mono yisi yono nghukupela.

Mweze mwina cihuliko muli zose, ho musume kutuga wumoteswe, na kanyhi ho musume kwikala vilo vinji, mu yisi yono moyisola yiwe.”

Wulece kuvitumamila vihwani vye milungu vye liwala lyo lyose, hamba wulece kuvihemba. Hambi ane no Muwaha Mulungu, u Mulungu wako, nha nili Mulungu wo wivu, mono si nosuma kwisumaniza na yunji wo wose. Nane nghuwalipiciza wana wubi we malezi wawo, sunga ko ku lulelo lwe kadatu na lwe kane lwa wono wasulile. Ninga nghuwawonela lusungu maelufu na maelufu wono wanyendile, kanyhi wagebate ne malajilizo gangu.

“Wulece kwinozeza cihwanicizo ciseswe, hamba cihwani ce cinhu co cose cono cili ku wulanga, hamba cono cili mono yisi, hamba cono cili mu malenga kusi ye yisi.

Wulece kuwa na milungu yinji, langa nene du.’

“Wulece kulitumamila litagwa lyo Muwaha Mulungu wako mu zi nzila zimbi, hambi Muwaha Mulungu, nha komulipiciza munhu wo wose mono ya kulitumila litagwa lyakwe mu zinzila zimbi.

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Weze kulikumbucila lizuwa lye Sabato wulisiwanule.

“ ‘Wulece kumusulumila mugolece wo muyago, hamba kaya yakwe, hamba mugunda wakwe, hamba mwitumami wakwe, hamba ng'ombe yakwe, hamba ndogowe yakwe, hamba cinhu co cose co muyago.’

“ ‘Wulece kusenyha.

“ ‘Wulece kulavya wuhomelezi wo wulambi kuli muyago.

“ ‘Wulece kuwulaga munhu.

“ ‘Wulece kuhiza.

Hambi nha yikunojeye weze kukumbucila vyono nagwe wali wuli muwanda mu yisi ya Misili, kanyhi na vyono, ane no Muwaha Mulungu, u Mulungu wako, nakukombozeza mu nzila ye vilungo vyangu viwaha hamonga no wusume. Na yiyi yo yikuleka ane nghukulajiliza wulikamise lizuwa lye Sabato.

Mu vilo mutandatu weze kwituma no kukondelezeza lukulu milimo yako yose. Ninga lizuwa lyo mupunghati yo Sabato yo Muwaha Mulungu, u Mulungu wako. Holeka mwi'zuwa lilyo, wulece kwituma mulimo wunji, gwegwe, hamba mwanago we cilume hamba we cicekulu, hamba wetumami wako we cilume hamba we cicekulu, hamba mitugo yako, hamba mujenzi wako mono yali hako. I wetumami wacehe mwi'zuwa lilyo, nha vyono nagwe kowa wucehile.

‘Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.