Popular Bible Verses from Loma 14

Share

Ndivwene uvutwa vwa Nguluvi vusimye mu fya kulya na mu fya kuńwa, nda hamu, vwimye muvugolofu na mulutengamano na muluheko lwa mwa Mubepo umwîmike. Ndivwene je ikumulimila mu idzi dzonda u-Kilisiti, je mwene je anogile na kwa Nguluvi, je mwene je valamwidika na va vanu.

ndivwene nde tuvedzage tuli vûmi, tumuvelye vûmi ju mutwa, nde tuvedzage twifwa, twifwila ju mutwa. Apo lino nde tuvedzage twi vûmi, nde tuvedzage twifwa, tuli va ju mutwa ndesi.

Apo lino tudzifwimage ińula-lutengamano nińula-kwidzenga vavo ṅani.

Apo lino tukulekage ukwihiga, kiba muluhigage ulwa kuta: kwa mujangu nditane nidza lukuvadzo nidza lwambudzo.

Ndivwene lwandikwe nulwa kuta: „vu vûmi vwangu unene, gonda amafugamilo galagomelelwa apangu na dzi ndimi dzonda dzilandumba june nde Nguluvi, ilonga evo umutwa.“ Neke lino nditigila: twivonda, ndeve tuvelye vuli, tulijolekela kwa Nguluvi najula idzakwe najula idzakwe.

Umutenda palufuvo mumukogosage vunofu; neke ulwa kumukogosa lutane ukuva lwa kukaniṅana nave, dze mwiganisa.

Vwi nani uveve, je ukumuhiga umuvanda va muńumba va vene? Nd’avedzage imile nd’avedzage agwe, ivedza va mutwa vakwe jujo. Neke alima, ndivwene umutwa asilemwa pakumwimya.