Popular Bible Verses from Tɛ̀ɛnnɛ 21

Share

Wi a nyatinmi myɛ tùuni bi láʔa pe nyapiigèle na, kùu a ní pye beè í, wàlá kùu káyaʔa, wàlá sùpiiwáara, wàlá yaama, dee bee tàa faala a ní pye beè í, níì cán yalɛɛri n sɔ̀lɔ n kwɔ́ɔ.»

Wee wi da tɛ́ɛn lè fàngoli ni, a woro jo: «Wéle, mii i yáriri myɛ sámagi wovɔnrɔ ní.» A wi jo: «Mi gi sɛ́bɛ, níì cán syɛ́ɛnri naa i nyɛ kányɛʔɛ, syɔɔn n yɛlɛ wi tága di na.»

A mii yákpogbɔɔlɔ lóʔo fàngoli ni a li jo: «Wéle, Kolocɔlɔɔ tɛɛkòrogi i nyɛ syɛ́ɛnbèle nínge ni! Wi a kòro ní be ní, pe a pye wi syɛ́ɛnbèle, Kolocɔlɔɔ tiimaa a pye ní be ní, si pye be Kolocɔlɔw.

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Wee si ga fànʔa taa lè, gee bee a pye wi kɔ́rigi. Mii a pye wi Kolocɔlɔw, woro si pye mii pyà.

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

A mii nyɛ̀ʔɛvɔnnɔ ní táfɔnrɔ nyaa. Níì cán nyɛ̀ʔɛzelili ní táseliri n sɔ̀lɔ n kwɔ́ɔ, sólomi lɔ̀ʔɔ ní wɔ́ɔ o yaà í.

A mii kècǎngi nyaa ki lè Zyerusalɛmifɔnw, a gi yìri nyɛ̀ʔɛni na Kolocɔlɔɔ ma ni tíri wozamagagwɔʔɔ ní, àmɛɛ cefɔɔn gáà wiyɛɛ vère lè wi nǎnw kéele na.

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni. Syɛɛnfeleyi a ra táanri ki gbɛ̀ɛ́nmi na, tári fànʔafɔɔlɔ sáā maa ní be nìjanri ní bi ba ra légi gi ni.