Popular Bible Verses from Tɛ̀ɛnnɛ 20

Share

Syɔ́ɔnwee mɛ́ʔɛ ga pye ki ga nyaa wozɛbɛgɛ ní sìíw sɛ́bɛ ni lè í, pe n wee bee fɔ́lɔ wáa naakpɔɔgi ni.

Kúbèle be nyɛ lè wogbolobèle n fàra woyilibèle na, a mii bele bee nyaa woyérebéle ní fàngoli yɛ́ʔɛ ma. A fàngoli tɛ́ɛnfɔlɔ fala n sɛ́bɛbéle múgu, a wi níì sɛ́bɛwaa nikwɔɔ múgu, wee wi nyɛ lè sìíw sɛ́bɛ. A wi kúbèle kútii joo n yɛlɛ ní be kapyegèle ní, gele ge sɛ́bɛ lè sɛ́bɛbèle bee ni.

Bele myɛ pe da kùu lè sólomi lɔ̀ʔɔ ni, a gi bele bee yirige n kaan kútiiw ma, a kùúw ní kúbèle tɛɛkòrogo be wóbèle kaan kútiiw ma, a fàngoli tɛ́ɛnfɔlɔ pe myɛ nibin nibin kútii ceri n yɛlɛ ní pe kapyegèle ní, níì fala n kùúw ní kúbèle tɛɛkòrogo wáa naakpɔɔgi ni. Naakpɔɔgi bee gi nyɛ kùu siin wów.

A mii fàngolo nyaa, li maa kpɔ́ʔɔ níì fílige, wàa si i nyɛ li ni wodɛ́ɛɔn ní. Tári ní nyɛ̀ʔɛni maa ni fé wi yɛ́ɛgi na bi làra, kàjáa ti ga tɛɛlaraga taa í.

Yɛ́ɛgèle saala kagunɔ ga baa foro lǎlee ni lè, pe a Sutanaw sánʔa yirige wi kàsow ni. Wi si a kári sa tári kàbanya sicɛrɛ syɛɛnfeleye fáana, gee bee n joo Gɔgi, ní Magɔgi, jàngó bi be kpóʔoro kapɛɛnkpumɔnri kéele na. Pe n nɛʔɛ àmɛɛ sólomi lɔ́ʔɔ kàgomɔ táminyɔɔ nyɛ lè.