Popular Bible Verses from Tɛ̀ɛnnɛ 14

Share

A mii yákpolo lóʔo nyɛ̀ʔɛni ni, a li mii pye: «Dee naa sɛ́bɛ: Bele be kúu lè Kàfɔw ni, nlaʔa lǎli naa na, bele bee i nyɛ dùba pìibēle!» A Pìicǎnni jo: «Ɛɛn, jàngó pe ŋɔ́n daa pe faligbanyi na, níì cán pe kapyegèle i taari be na.»

Gee bee gi nyɛ Kolocɔlɔɔ syɛɛncanbèle kpàracogo kpéʔelele nyúngo, poro bele be Kolocɔlɔɔ tundunri kɔn ní i di kpéʔele lè, ní wɔ́ɔ i nyɛ tágala syɛɛnnɛ Zyezu ma.

A wi i gi nyuu ni yákpoli wáa níì jo: «Yaa fɛ̀ɛgí Kolocɔlɔɔ na, yáā wi mɛ́ɛgi kpɔ́ʔɔgi, ncan wi kútiiw làrijerile n nan. Yaa wi kpɔ̀ʔɔrɔ́ woro wee wi nyɛ̀ʔɛni, ní tári, ní sólomi lɔ̀ʔɔ, ní lǒgi púloweegéle kpéʔele lè.»

A nyɛ̀ʔɛni tundun-daanri wóo taʔa bele siin na ní i gi nyuu ní yákpogbɔɔlɔ ní níì jo: «Syɔ́ɔnwee faala ga ni yaweegi ní gi niwirigi kpɔ̀ʔɔrɔ́ lè, níì fɔ̀lɔ a be gi fɛ̀ɛ́w kpúmɔn wi gbáali na, wàlá wi kɔ́gi na, wee bee a wɔ́ɔ Kolocɔlɔɔ fundanʔari dùvɛɛn gbaa, wee wi sòʔo lè sìnnyaʔami ni wi fundanʔari yagbaala ni, wi a ra wɔʔɔ náagi ní dìrigíw ni, nyɛ̀ʔɛni tundunjanbéle ní Bàpili yɛ́ʔɛ ma. Pe wɔʔɔli naà wírige i lúru ǹjogi ni làla o làla kwɔ́ɔmɔ fun, bele be yaweegi ní gi niwirigi kpɔ̀ʔɔrɔ́ lè, wàlá wee faala na gi mɛ́ɛgi fɛ̀ɛ nyɛ lè, ŋɔ́ndaala o nyɛ pe wàa ma í, canʔa ní yébilige.»

A mii wéle n Bàpili nyaa woyérele ní Siyɔn* nyanbelegi ǹjoʔo ni n fàra syɛ̀ɛnnɛ sirakamayɛ kɔrɔsiin ní selebingéle siin na, li mɛ́ɛgi ní li Tóow mɛ́ʔɛ maa pye wozɛbɛyɛ ní pe gbáagèle na.

A mii níì nyɛ̀ʔɛni tundunwaa nikwɔɔ nyaa wi i sɔ̀lɔ́ ǹjogi ni fókaanya na. Bàngwɔɔ Syɛɛnjóocànra maa pye wi ma bi joo tári syɛ̀ɛnnɛ ma, gee bee n jo, syɛɛnfeleyi myɛ, ní syɛɛnfeleyi yòdaʔaya myɛ, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ ma.

A nyɛ̀ʔɛni tundun-ziin wóo taʔa wozeliw na ní i gi nyuu níì jo: «Ki n too, Babilɔni n too, ki lè kèkpɔɔgi, koro gee gi syɛɛnfeleyi myɛ kaan lè a yi gi kanɔnʔɔbeeri fundanʔara duvɛɛn gbaa.»