Popular Bible Verses from Tɛ̀ɛnnɛ 11

Share

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Syɛɛnfeleyi fúnyo maa tanʔa, kàjáa mɔ fúngi làridanʔana si li nan, lee ni mɔ a kúbèle kútii joo ceri lè, mɔ púlobèle be nyɛ lè kanyaajoobèle, ní mɔ syɛɛncanbèle, n fàra bele na be fɛ̀ɛgí mɔ mɛ́ɛgi na lè, poro làrizarali n nan, bele be nyɛ lè woyilibèle n fàra wogbolobèle na, bele si be tári kálagi lè, á poro làrigbooli nan.»

Mii a fànʔa kaan mii séerafɔbèle siin ma paa kérigèle nyaagi paa nyuu bi ba taa canya saala kɔrɔni ní togoye taanri, gɔ̀nvaʔaya búroyo si pye be na.»

A cányi taanri ní tíla ga sɔ̀lɔ, a Kolocɔlɔɔ wi sìíw ŋɔ́ngara le be ni, a be yìri n yére be tɔ́lɔyi na. A fyáakpɔɔrɔ fala n be nyaafɔbèle myɛ cò.

Fànʔa i nyɛ be ma bi gbǎn nyɛ̀ʔɛni tɔ́n, koro ga pye zàʔá a kɔ́ too pe kanyaajoori canya ni í, fànʔa wɔ́ɔ i nyɛ be ma bàā lǒyi kàragí sìsyaan, si wɔ́ɔ ra yapeeri féleye myɛ téeri da tári kpúmɔn tɔlɔyɔ saʔa bi yɛlɛ ní pe kínidɛnɛgi ní.

Bele bee be nyɛ olivye tíiyi siin, ní fètindaʔagèle siin, gele ge nyɛ lè woyérigegéle ní tári Kàfɔlɔ yɛ́ʔɛ ma. Waa ga ni caa bi be wɔʔɔ, naà i yirigi pe nyɔ́ɔyi ni ni be nigoobèle sórogi ni kúu. Wàa ga jo bi be wɔʔɔ, ànbée gi yɛlɛ pe wi kpóo.