Popular Bible Verses from Zyaki 5

Share

Gee bee na gi yɛlɛ yaa yèré yele kapeegèle ni, yáā ge nyuu yaa tèé yeyɛɛ na, yáā nyɛ́ɛri yeyɛɛ kéeli na, koro ga pye yele si pɔʔɔ. Syɔ́ɔnwee wi nyɛ lè syɛɛnsiɔn, wee bee nyɛ́ɛrigɛ tɔ̀nɔ́ i nyɛ ní báriga ní, fànʔa i nyɛ gi ni bi gbǎn kakpoloyo kpéʔele.

A wàa i nyɛ lé yele níngi ni ni wɔʔɔ? Ki n yɛlɛ waa Kolocɔlɔɔ nyɛ́ɛri. A wàa i nyɛ lé fundaanra na? Ki n yɛlɛ waa ŋúu waa Kolocɔlɔɔ kpɔ̀ʔɔrɔ́.

Pe ga nyɛ́ɛri ní tágala ní, gee bee a yáaw pɔʔɔ, Kàfɔw a wi yìrige wi yáami yasinɛgɛ na. Ní ki ga pye wi n kapeegèle kèle kpéʔele, Kolocɔlɔɔ a ge kùsulugi syɔɔ.

Ba wàa i nyɛ lé yele níngi ni ni yáa? Ki n yɛlɛ wi Egiliziw yɛɛ̀kinibéle yeri, bele bee í ba nyɛ́ɛri wi kéeli na si sìnmɛ tɛ́ʔɛ bi wi pɔ̀li Kàfɔw mɛ́ʔɛ na.

ki n yɛlɛ ye gi cán bi cán, syɔ́ɔnwee wi ga kapeebyewaa lúrugo lè wi kólogi na gee wi da pùuni n láa lè, wee bee n kapeebyewaa syɔɔ kùu ma, níì gi kaan kapeenɛʔɛgèle myɛ ke da pye lè wi na, a Kolocɔlɔɔ ge kùsulugi syɔɔ.