Popular Bible Verses from 1 Pyɛri 1

Share

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa, si wɔ́ɔ kɔrigɔ taa, gee gi nyɛ lè bàngalagi, ní wɔ́ɔ i nyɛ tɛɛlɛ fun, ki nìjanri si a kwɔ́ɔ bi nyaa í. Kolocɔlɔɔ n gee bee kɔn yele ma nyɛ̀ʔɛni ni

Yele i muguri fundaanri báriga ni gee bee kéele na, àlí àmɛɛ gi wírē nyɛ lè yele yɛ́ɛyi i taanri tɔ́ɔliw ni bi làla cɛɛri kwɔ́ɔ kagbanyi féleye saʔa kéele na. Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

Kàjáa àmɛɛ yele Yerifɔw nyɛ lè wojaɔn ní, ki n yɛlɛ yele í wɔ́ɔ pye wojanbéle ní yele nàʔaganmi myɛ ni, níì cán ti n sɛ́bɛ níì jo: «Ki n yɛlɛ yele í pye wojanbéle ní, níì cán mii i nyɛ wojaɔn ní.»

Ki n yɛlɛ yele í pye àmɛɛ pìiloʔobéle nyɛ lè, ki ga yɛlɛ yele í da táanri da yɛlɛgi ní yele booma ki laànitaagi kèlē ní í, gele yele da ni kpéʔele lè yele kanaa-sìnjánmi làla ni.

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.

Níì cán: «Syɛ́ɛnbèle myɛ i nyɛ àmɛɛ nyàā nyɛ lè, pe nìjanri myɛ wɔ́ɔ i nyɛ àmɛɛ nyàáfyɛɛnrɛ nyɛ lè, nyàági i waari, nyàáfyɛɛnri si i kɔlɔ ni ŋuu, Kàjáa Kàfɔw syɛ́ɛnrɛ a kòro beè làla o làla.» Syɛ́ɛnri bee si di nyɛ Syɛɛnjóocǎnri, dee pe da joo lè yele ma.