Popular Bible Verses from Zyaki 4

Share

Gee bee na gi yɛlɛ yaa lúro Kolocɔlɔɔ ma, yé yére ye Dàzɔɔnw sige ye tun ní wi ní, koro ga pye wi a fǎn léeli yele na.

Ki n yɛlɛ ye nùuni Kolocɔlɔɔ na, wi a wɔ́ɔ nùuni yele na. Yele bele ye nyɛ lè kapeebyebèle, ye yele kɔ́yi jée ye yirige yele kapeegèle ni, yele bele ye nyɛ lè fúnyi siin-ziin fɔɔlɔ, ye yele fúnyi sámaga yi pye funviiye.

Ki n yɛlɛ ye yeyɛɛ jɛ́rɛ Kàfɔw yɛ́ʔɛ ma, koro ga pye wi a yele kpólo.

Koro ní ki myɛ ní kpɔ́ʔɔri Kolocɔlɔɔ kaangi lè, ti n kpɔ́ʔɔ n sáà sɔ̀lɔ, níì cán ki n joo wi syɛɛnsɛbɛri ni níì jo: «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle wi i nyɔɔgi bele bee na.»

Koro na kapye syɔɔn n kacànnaa cán, lee wi yɛlɛ bi kpéʔele lè, wi si ga li kpéʔele í, wi n kapeele pye.

Yele i nyɛ́ɛri yele si o taagi í, níì cán sɔ̀nguri yele sɔ̀ngí lè ní i nyɛ́ɛri, ti ga nyɔɔ í, gee yele caa lè, yele i sɔ̀ngí yele ga gi taa yele í da yele nyɛ́nɛ kérigèle kpéʔele ní gi ní.

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

Bi gi taa kéelee li a ba pye lè nyɛ̀ʔɛna, yele ga lee bee cán í! Jòorí yele sìíw kánma tɔ̀ʔɔ́ nyɛ? Yele i nyɛ àmɛɛ nìgolowirige nyɛ lè, gee gi gáà tɔ́n lè làla cɛɛri ni, koro kàdoʔo ma ki n cariga.