Popular Bible Verses from Heburubèle 4

Share

Níì cán Kolocɔlɔɔ syɛ́ɛnri i nyɛ woweere ní, ní i báara, ti n tɛ́nɛ n sɔ̀lɔ nyɔɔyɔ siin-ziin ŋɔséebèle myɛ na. Alí ti i fúngi ní pǐli cɛnɛ ni láari tiyɛɛ na, ní i kaceleyi tɛɛsogiyo, ní yi pìremi láari tiyɛɛ na wɔ́ɔgēle. Ti i syɔɔn sɔnguri ní wi fúngi kakɔrirɔgēle sɛʔɛ ni wéle.

Gee bee na wolo màko ga pye dɛ̀ɛmɛnɛ na lǎlee ni lè, ki n yɛlɛ wo nùuni ní nànzorodo ní fàngoli fɔ́lɔ na, woro wee wi kpɔ́ʔɔri kaangi lè, koro ga pye wi nyinimɛ taa wolo na si kpɔ́ʔɔri kaan wolo ma lǎli bee ni.

Ki o nyɛ mɔ a jo wolo sáriga-wòlobèle kàfɔlɔ a gbǎn nyinimɛ taa wòlo na wolo fànʔa-fǔnmi ni wii í. Sutanaw maa ni wi kárima àmɛɛ wi wolo kárima lè kánmi féleye myɛ na, wi si da kapeele kpéʔele í.

Kolocɔlɔɔ yakpéʔelegaa faala a gbǎn làra wi na í, ti myɛ i nyɛ yatɔngɔ fun, ní wɔ́ɔ i nyɛ tɛɛlaraga fun wi yɛʔɛ̀ ma, woro wee má wolo yɛlɛ bàā wolo kérigèle fíligi da nyuu lè.

Sáriga-wòlobèle kàfɔgbɔɔɔ i nyɛ wolo ma, wee wi jée n foro nyɛ̀ʔɛgèle ni lè, woro wi nyɛ Zyezu, wi lè Kolocɔlɔɔ Jáaw, gee bee na gi yɛlɛ wolo í tágali sámaga cò, lee séera wolo kpéʔele lè.

Koro na gi yɛlɛ wolo í da ŋàʔaná gbanʔama jàngó wàa faala a kɔ́ bɔ̀nɔ li jéeli ni céemi bee pàa félege báriga ni í.