Popular Bible Verses from Heburubèle 13

Share

Ki ga yɛlɛ yele í yeyɛɛ daʔa wáliw tàmaga na í. Yáriree yele taa lè, ki n yɛlɛ dee bee í yɛlɛ ní yele ní, níì cán Kolocɔlɔɔ tiimaa n gi joo níì jo: «Mii a tée mɔ yaʔa í, mii a mɔ wáa kàdoʔo ma nyáana í.»

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

Koro na wolo a gbǎn gi joo ní nànzorodo ní si jo: «Kàfɔw wi nyɛ mii dɛ̀ɛmɛfɔw, mii a tée fyáa í. Nyàʔá syɔɔn a gbǎn kpéʔele mii na?»

Ki si ga yɛlɛ yele í fɛ̀ʔɛ kacànbyeri na í, wàlá bàā tàa wóo yele kɔ́lɔ yáriri ni bàā kaangi syɛ́ɛnbèle ma, ki ga yɛlɛ yele í fɛ̀ʔɛ gee bee na í, níì cán sáriga-wòlori bee félege di Kolocɔlɔɔ dɛ́nɛ.

Gee bee na gi yɛlɛ wolo í da Kolocɔlɔɔ kpɔ̀ʔɔrɔli sáriga wóo bàā kaangi wi ma làla o làla Zyezu bárigaw ni, sárigaw bee wi nyɛ wolo í da séeraw kpéʔele Kolocɔlɔɔ mɛ́ɛgi kéele na ní wolo nyɔɔsyɛɛnri ní.

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

Ki ga yɛlɛ yele í fɛ̀ʔɛ nibɔndirigeri na í, níì cán kánmi bee na pèle da nyɛ̀ʔɛni tundunbéle nibɔnrɔ pye, n gi yaʔa pe ga be cán í.

Kolocɔlɔɔ wi nyɛ lè fûnnyingi kaanfɔlɔ, woro wee wi wolo Kàfɔw Zyezu nyán n yirige kúbèle nínge ni lè, jàngó wi pye bǎbèle nàʔafɔgbɔɔɔ kwɔ́ɔmɔ fun joogaanni sìsyaan báriga ni, ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!