Popular Bible Verses from Heburubèle 12

Share

Gee bee na, àmɛɛ séerafɔ-nɛʔɛbèle bee wolo màʔa àmɛɛ fàfanʔa nyɛ lè, ki n yɛlɛ wolo í wɔ́ɔ yáriri myɛ yaʔa, dee ti a gbǎn wolo yérige lè, kapeele o kapeele li tàli wolo na ni wolo yéregi lè, wo wɔ́ɔ lee bee yaʔa, wáā kàfyaali kpéʔele ní kpàracogo ní, lee tɛɛfǎn-zɔ̀lɔgɔ Kolocɔlɔɔ tɛ̀ɛn wolo na lè. Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Wɔʔɔlaa faala tɔ̀nɔ́ o nyɛ fundaanra kéele li làrigbeʔeleli ni í, fwɔɔ funbɛɛnrɛ kéele. Kàjáa bele be ga sícilimɛ taa lè wɔʔɔli báriga ni, li kàdogi n baa be kaan pe n ni kasingéle kpéʔele yɛɛ̀nyinge na.

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.

Woro wee wi tɔ̀nɔ n kapeebyebèle kàkabalaya saʔa kpàraco lè, àmɛɛ pe da ni wi tiimaw kábala lè, ki n yɛlɛ yele í da sɔ̀ngí da taagi wi kéeli na, jàngó yele a kɔ́ fɔ̀rɔ yele fúnyi ni yele bárigaw si kwɔ́ɔ í.

Gee bee na gi yɛlɛ waa bariga kaangi Kolocɔlɔɔ ma, àmɛɛ wolo a fǎngi taa lè, gee gi nyɛ lè ki a gbǎn cúngo í, wáā báara wi ma ní sínnɛ ní, n fàra wi yɛ́ɛgi fyáara na, bi yɛlɛ ní wi kínidɛnɛgi ní.

Ki n yɛlɛ yele í wɔʔɔli kpàraco, Kolocɔlɔɔ i yele náari àmɛɛ tofɔlɔ wi jàala náari lè. Níì cán jaafɔwìí wi nyɛ wi tóow o wi kpúmɔn ni kàragí í?

Níì cán wolo Kolocɔlɔw i nyɛ naà, gee gi yáriri sórogi lè mɛnɛ mɛnɛ.

Níì cán wolo tóobèle maa ni wolo kpúmɔn ni kàragí n làla cɛɛri kwɔ́ɔ, àmɛɛ ki da sín be ma lè. Kàjáa Kolocɔlɔɔ i wolo kpúmɔn ni kàragí wolo nyɔɔmi kéele na, koro ga pye wolo í lɛɛlɛ taa woro sínni ni.

Amɛɛ yele túngu lè ní kapeegèle ní, yele ga kɔ́ɔ̀ yére n ge sige n baa nan sìsyaan wolo na í.