Popular Bible Verses from 2 Korɛnti ye 5

Share

Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Níì cán tágali báriga ni wolo táanri, nyaani báriga ni ban í.

Kolocɔlɔɔ wi gee bee myɛ kpéʔele, woro wee wi wolo bɛ̀ɛ lè ní wiyɛɛ ní Kirisi bárigaw ni, ní wɔ́ɔ̀ fáliw bee kaan wolo ma wolo í syɛ́ɛnbèle dɛ̀ɛmɛ pe bɛ̀ɛ ní woro ní. Níì cán Kolocɔlɔɔ maa pye Kirisi ni, ní i dulunyanw syɛ̀ɛnnɛ bɛ̀ɛgí ní wiyɛɛ ní, wi da ní ni be kapeegèle córo be kurugo í, wi si n bɛ̀ɛ́li bee tundunro kaan wolo ma.

Koro na wolo nyɛ Kirisi tundunbéle, á Kolocɔlɔɔ si i syɛ́ɛnbèle yiri wolo jooli báriga ni. Wolo si i yele nyɛ́ɛri Kirisi mɛ́ɛgi na níì jo ye bɛ̀ɛ ní Kolocɔlɔɔ ní!

Wi n kùu syɛ́ɛnbèle myɛ sìndɛʔɛ ni, koro ga pye bele be nyɛ lè sìi na, poro a ní kɔ́ ra pe nyɛnɛ kérigèle kpéʔele be sìíw làla ni í, fwɔɔ wee wòʔolo, woro wee wi kùu lè níì nyán poro kéeli na. Koro na tɔ́ɔliw ni wolo ní o syɔɔnwaa faala tímana céri kàbaan na ni yɛlɛgi ní dulunyanw syɛ̀ɛnnɛ tímanaganma ní í. Alí wolo da wíre ni Kirisi tímana lè dulunyanw syɛ̀ɛnnɛ tímanaganma na, wolo ní o wi tímana kánmi bee na í.

Níì cán Kirisi tàmagi gi wolo kàragí, wolo n gi tímana n gi nyaa, àmɛɛ wàa nibin kùu lè syɛ́ɛnbèle myɛ sìndɛʔɛ ni, pe myɛ be wɔ́ɔ̀ kùu.