Popular Bible Verses from 2 Korɛnti ye 4

Share

Yáriree syɛ́ɛnbèle nyaagi lè, wolo o dee bee wéle í, fwɔɔ dee di lè syɔɔn a gbǎn di nyaa í. Níì cán dee syɛ́ɛnbèle nyaagi lè, ti a kwɔ́ɔ, dee si di lè syɔɔn o di nyaagi í, toro i nyɛ bàngwɔɔ wóro.

Koro na fɔ̀rɔyi o wolo fǎngi kwóo í. Alí kàa ga ni yirigi wolo céri fànʔa ni, kàa si tɔ́ɔ i taari wolo pìígèle wóʔo na canʔa o canʔa. Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

Pe i kagbangèle féleye myɛ cáan wolo na, ke si o wolo jáagi í. Wolo fúnyi i nyáʔami wolo na, wolo si o nyɛ sɔ̀ngumɔ tɛɛtaʔaga fun ni í. Pe i wolo wɔʔɔ, kàjáa dɛ̀ɛmɛfɔlɔ ga fɔ̀n wolo na í. Pe i wolo kpúmɔn ni cáan, wolo si o kúu í.

Cánni bee i nyɛ lɔnɛʔɛrɛ wolo fúnyi ni, wolo bele ni di nyɛ lè wolo i nyɛ àmɛɛ yaleye nyɛ lè yee be faan ní cóoro ní lè, jàngó bi gi tɛ̀ɛn séekpɔɔw i nyɛ Kolocɔlɔɔ wóo, wolo wóo ban í.

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.