Popular Bible Verses from 1 Zyan 2

Share

Ki ga yɛlɛ yele í kɔ́ tàmaga le ní dulunyanw ní í, ki ga wɔ́ɔ̀ yɛlɛ yele í tàmaga le ní dulunyanw fúngo yárira ní í. Wàa ga tàmaga le ní dulunyanw ní, Tofɔw tàmaga o nyɛ wee bee fɔ́lɔ fúngo ni í. Níì cán yáriri myɛ di nyɛ lè dulunyanw ni, céri ki laànitaʔa yárira yoo, ní dee myɛ syɔɔn wéle lè ní nyabɛɛnnɛ ní, n fàra kpɔ́ɔmi kèlē na, dee bee tàa faala ga yìri Tofɔw ma í, fwɔɔ dulunyanw ma.

Dulunyanw si i kwóo ni syée ní wi laànitaagi yárira myɛ ní. Kàjáa wee wi Kolocɔlɔɔ nyɛ́nɛ kérigèle kpéʔele lè, wee bee a kòro sìi na làla o làla.

Wee wi ga joo lè woro i nyɛ wi ni, wee bee n yɛlɛ waa táanri àmɛɛ Zyezu Kirisi da ni táanri lè.

Ni pìibēle, mii i kérigèle naa sɛ́bɛ bi tórigo yele ma koro ga pye yele a ní kɔ́ ra kapeegèle kpéʔele í. Wàa si ga kapeele kpéʔele, dɛ̀ɛmɛfɔlɔ i yaà wolo ma Tofɔw taana, dɛ̀ɛmɛfɔw bee wi nyɛ Zyezu Kirisi wi lè Wozinw.

Syɔ́ɔnwee si ga gi joo lè níì jo woro n Kolocɔlɔɔ cán, bi gi taa wi o wi tundunri kɔngi ní i di kpéʔele í, syɔ́ɔnw bee i nyɛ jànvaafɔlɔ, kányɛʔɛ o nyɛ wi fúngi ni í.

Wo ga ni Kolocɔlɔɔ tundunri kɔngi ní i di kpéʔele, kánmi bee na wolo a gi cán bi cán wolo n wi cán.

Syɔ́ɔnwee ga jo lè woro i nyɛ gbɛ̀ɛ́nmi ni bi gi taa wi senyɛnw kéele n wi bɛɛn wee bee sèʔé i nyɛ yébilimi ni àlí n baa nan níjanʔa na.

Wìí wi nyɛ jànvaafɔw, kapye wee ban wi gi kábala lè níì jo Zyezu o nyɛ Kirisi lè í? Wee bee wi nyɛ Kirisi nigoow, wi n Tofɔw ní Jaafɔw cée.

Syɔ́ɔnwee faala wi Jaafɔw cée lè, Tofɔw o nyɛ wee bee wóo í. Wee si wi fɔ̀lɔ lè Jaafɔw na, Tofɔw wɔ́ɔ i nyɛ wee bee wóo.