Popular Bible Verses from aRooma 4

Share

Hata hiiho owo khaahovenle ni ohiroromela mwaha wa yoororomelihiwa ya Muluku, mene aalipiheriwa munroromeloni ni aamvuwiha Muluku, areene ooviriyeliwa ni murima wootheene weera Muluku aari a ikuru okwanihera yeeyo aaroromelinghaawe.

Ntoko elempwalaaya: “Miyo koohookhaliha tiithi a miloko sincipale,” aani, vamaithoni wa Muluku mwa Yoowo aamuroromenlaawe, Muluku owo omvaha okumi wa akhwiiye ni onkhaliha itthu sahaakhanle weera sikhale.

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

Waarookhalaru woorika ororomela, Abrahaamu aaroromela, ni hiiho aakhala atiithi a miloko sincipale, ntoko yaahimmwalaaya mwaha wa yoowo: “Hiiho eniikhale anamwanaanyu.”

Tivawo, yoororomelihiwa enrwa niwoko na nroromelo, weera evahiwe mahaleene, ni hiiho ekhale oororomelihiwa wa anamwane ootheene a Abrahaamu, ehikhanle paahi wa yaawo ari vathi wa nlamulo, mene wa yaawotho arino nroromelo nenenenno Abrahaamu aarinaawe. Awo ari atiithi a hiyo ootheene.

“Ooreelihiwa yaawo sootakhalasaya siri sooleveleliwa, sootthekasaya siri sookhuneeliwa. Ooreelihiwa mutthu sootthekasawe Apwiya ahinaalikelaaya.”

Enghima eheeni Yoolempwa*? Abrahaamu aamuroromela Muluku, ni niwoko na yeeyo, owo aahaakhuleliwa.