Popular Bible Verses from aRooma 5

Share

Vaheera Muluku onoonihera onisivelawawe moota ola: Kristu aanikhwenle, hiyo naaraahu nlelo anamattheka.

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

Khoohiyono mwa yeeyo paahi, mene ninnahakalalatho moohaawani, niwoko noosuwela weera ohaawa onruwera ovilela; ovilela onruwera ekhalelo yooreera; ni ekhalelo ela enruwera oweherera.

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu. Mwa Yoowo noophwanya ovolowa wa mahala ala niwoko na nroromelo, mahaleene yaale mwa yaawo hiyo nri oolipeene. Hiyo ninnahakalala moowehererani wa ovuwa wa Muluku.

Mwa yeeyo, ehuhu yootthuneya, hiyo naaraahu nlelo oohiwereene, Kristu aahaakhwela oohitteela.

Woonaka weera vaanaano hiyo naakhuleliwe ni ephomaawe, wootepaxa nnikhale oovuluxiwa wa isara sa Muluku niwoko na Yeesu!

Hiiho ntoko atthu ancipale apakiwaaya anamattheka niwoko na ettiyamaaru ya mutthu mmoha paahi, hiihotho niwoko na wiiwelela wa mutthu mmoharu paahi ancipale eniyaakhuleliwe ni Muluku.

Kheehiyono paahi yeeyo, menetho ninnamuhakalalela Muluku niwoko na Apwiyaahu Yeesu Kristu, mwa Yoowo hiyo nohaakhela vaanaano wiiraana.