Popular Bible Verses from Än Salomon Fos 3

Share

Kopwe lükü ewe Samol mi Lapalap ren unusen lelukom, nge kosap lükülükü püsin om sile. Kopwe chechemeni i won meinisin mine ka föri, nge i epwe aiti ngonuk ewe al mi pwüng.

Kosap püsin ekieki pwe ka tipachem. Kopwe niuokusiti ewe Samol mi Lapalap o kul seni mine a ngau.

Kopwe asamolu ewe Samol mi Lapalap ren om fang ngeni seni woum, pwal ren mwen kiniom uän irä meinisin. Mürin om kewe lenien iseis repwe urela ren wiich, nge ekewe lenien iseis wain repwe urela ren wain o säsewu.

Iwe, kosap mwüt ngeni kirikiröch me allükülük repwe sü senuk, kopwe riretä fän üom o makeretiu lon lelukom.

Nei, kosap oput än ewe Samol mi Lapalap emirit, kosap pwal chipwang ngeni an kapasen fön, pun ewe Samol mi Lapalap a emiriti ätewe a echeni, usun eman sam a emiriti nöün we a pwapwaiti.

Nei, kosap manlükala mine üa aiti ngonuk, nge kopwe iseis lon lelukom ai kewe allük. Pun ren om föri ei, ierin manauom repwe langatamala, kopwe pwal uren feiöch.

A feiöch ewe aramas mi küna tipachem, a feiöch ewe aramas mi wewekai, pun ewe feiöch a angei seni tipachem a mürina seni ewe feiöch a angei seni silifer, nge ewe win tipachem a atoto a aüchea seni kolt. Tipachem a aüchea seni fau aüchea, nge esap wor och ka fokun efich epwe tongeni nönnö ngeni.

Kopwe eäni kirikiröch ngeni aramas mi osupwang, lupwen ka tufich ngeni.

Ewe Samol mi Lapalap a föri fanüfan ren an tipachem, a anomu ekewe läng lon lenier ren an silelap.