Popular Bible Verses from Än Salomon Fos 2

Share

Pun ewe Samol mi Lapalap a fangala tipachem, i a atowu silelap me weweöch.

Nei, kopwe etiwa ai kewe kapas o iseis ekewe allük lon lelukom. Kopwe aü selingom ngeni tipachem o suki lelukom pwe kopwe wewe ren. Ewer, kopwe siö ngeni Kot pwe epwe fang ngonuk om silelap, kopwe alapatä mweliom o tüngor ngeni pwe kopwe weweöch ren. Kopwe kütta tipachem usun om kütta silifer, ika usun om kütta pisek aüchea mi monomon. Are kopwe föri iei usun, mürin kopwe weweiti aüchean om niuokusiti ewe Samol mi Lapalap o fefeitä lon om silei Kot.

A atufichi ekewe chon pwüng o tümwünü chokewe mi wenechar seni feiengau usun eu tit. A mamasa ekewe chon pwüng o tümwünü nöün kewe mi allükülük.

Pun ekewe chon pwüng repwe fanüeni ewe fanü, pwal ekewe aramas mi wenechar repwe nonom lon. Nge ekewe aramasangau repwe kärila seni ewe fanü, pwal chokewe resap allükülük repwe üttütä seni me lon, usun irä ra üttütä seni pwül.

Tipachem epwe atufichuk pwe kosap tup ren ewe fin lisowu, ren ewe fin ekis mi eäni kapas amichimich, neminewe mi likitala pwülüan a pwülüeni lupwen an föpwül o manlükala ewe pwon a eäni ngeni Kot.