Popular Bible Verses from Än Salomon Fos 4

Share

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Kopwe akotöchü mine kopwe föri, mürin epwe fisiöch meinisin mine kopwe föri.

Kosap fokun eäni kapas rikirik, kosap pwal eäni kapas chofana me fos mi pwor.

Kopwe tiliken le kütta tipachem, pun iei ewe aeuin ipw kopwe angei tipachem ren. Nge ren om tipachem kopwe alapala om mirit me weweöch.

Ewe al ekewe chon pwüng ra fetal won a usun chök saramen ünümweerän mi chök sasaramala tori a unusen ränila. Nge ewe al ekewe aramasangau ra fetal won a usun chök rochopwak mi rochokich, ra turula, nge resap silei met ra chepetek ren.

Kosap likitala tipachem, pun epwe tümwünuk. Kopwe echeni pwe epwe mamasok.

Kopwe kamwöchünük won ekewe kapasen öüröür, nge kosap mwüt ngeniir repwe feil senuk. Kopwe tümwünüür, pun ina manauom.

Kosap feila lon ewe leni ia ekewe aramasangau ra feila ie, kosap pwal apirü än ekewe chon föföringau föför.

Ämi nei kana, oupwe aüselinga än semelapemi kapasen öüröür, oupwe aü selingemi pwe oupwe weweöch.