Popular Bible Verses from Än Salomon Fos 12

Share

Än eman aramas öürek lon lelukan a afisätä lolilen, nge eu kapas pwetete a apwapwai i.

Eman mi efich kapasen emirit a efich silelap, nge ätewe mi oput kapasen apwüng a tiparoch.

Mi wor aramas ra fos, nge resap ekieki och. Ekei sokun fos ra akinasa aramas, usun efoch ketilas a akinasa eman. Nge än ekewe chon tipachem kapas ra atoto pöchökül.

Eman mi tiparoch a ekieki pwe a pwüng lon an föför, nge eman mi tipachem a aüseling ngeni kapasen öüröür.

Eman mi tiparoch a müttir pwärätä an song, nge eman mi mirit a asarongorongala seni kapasen esit.

Eman fefin mi mürina a usun chök epa mwärämwär fän iten pwülüan, nge neminewe a atoto säw won pwülüan a usun chök kanser lon chün ätewe.

Ewe Samol mi Lapalap a oput ekewe aramas mi chofana, nge a pwapwa ren chokewe mi apasa mine a let.

Eman chon pwüng a kul seni mine a ngau, nge ekewe aramasangau ra fetal won ewe alen mwälechela.

Kapas mi let repwe nonom tori feilfeilachök, nge kapas chofana repwe chök nonom lon fansoun mochomoch.