Popular Bible Verses from Än Salomon Fos 13

Share

Eman mi chiechi ngeni aramas mi tipachem epwe tipachemela, nge eman mi chiechi ngeni ekewe chon tiparoch epwe feiengau.

Eman mi mamasa kapasen awan a tümwünü manauan, nge eman mi fos chomong a fetal ngeni feiengau.

Eman esap apwüngü nöün a oput nöün, nge eman mi tongei nöün a achocho le emiriti.

Are än eman apilükülük a mang le pwönüetä, i epwe letipengau, nge are än eman mochen a pwönüetä, iei apöchökülen manauan.

Pwüng a tümwünü eman chon wenechar, nge pwüngingau a afeiengaua eman chon tipis.

Eman mi wöümongola fän mecheres wöün epwe müttir kisikisila, nge eman mi ioni ekis me ekis fän weires wöün epwe lapala.

Lamalamtekia a afisätä anini, nge chokewe mi angei öüröürer ra tipachem.

Eman aramasöch a likiti wöün ngeni nöün nöün kana, nge wöün ewe chon tipis epwe tori ekewe chon pwüng.

Eman alüal mi tipachem a aüselinga än saman kapasen fön, nge eman mi lamalamtekia esap aüseling ngeni kapasen emirit.

Eman esap mochen rongorong kapasen fön epwe tolong lon wöüngau me itengau, nge ätewe mi aüseling ngeni kapasen emirit epwe iteüöch.