Popular Bible Verses from Än Salomon Fos 11

Share

Eman aramas mi kichiöch epwe pisekisekila, nge eman mi alisi aramas, aramas repwe pwal alisi.

Mi wor aramas ra fangafangöch, nge ra chök pisekisekila. Mi pwal wor aramas ra fangangau, nge ra chök wöüngauala.

Aramas mi lamalamtekia repwe müttir küna itengau, nge ir mi tipetekison ra eäni tipachem.

Eu mwü epwe tala ika esap wor souemwen lon, nge anaie a wor ie chomong chon öüröür, a wor kinamwe.

Pwüng a aworato manau, nge pwüngingau a angeala manau.

Eman mi kukuloufeil o luapas a apworausa mine a monomon, nge ätewe mi allükülük a amonomona.

Eman mwän mi eäni kirikiröch a püsin feiöch ren, nge eman mi ariaföüü aramas a püsin feiengau ren.

Aramas mi apilükülükü püsin wöür repwe turula usun chök chön irä ra turutiu mürin leres, nge ekewe chon pwüng repwe manauöch usun chök chön irä mi arauarau.

Än eman aramas wöümong esap alisi lon ewe ränin apwüng, nge pwüng a angasala eman seni mäla.

Wenechar a emweni chokewe mi wenechar, nge chokewe resap allükülük ra feiengau ren ar tunorikirik.

Eman fefin mi liöch, nge esap mirit, a usun chök efoch ring seni kolt lon pwötün eman piik.

Ewe Samol mi Lapalap a oput aramas mi aea eu kilo esepwüng, nge a pwapwa ngeni eman mi aea eu kilo mi pwüng.