Popular Bible Verses from Än Salomon Fos 10

Share

Feiöch seni ewe Samol mi Lapalap a awöüükich, nge i esap apacha och riaföü ngeni.

Anaie a wor chomong kapas ie, a pwal tongeni fis tipis, nge eman mi fanafanala a mirit.

Oput a afisätä anini, nge tong a pwölüela ekewe pupungau meinisin.

Eman mi chipwang epwe wöüngau, nge eman mi achocho le angang epwe wöümong.

Eman mi aleasochisi ekewe kapasen fön epwe manau, nge eman mi pöütala ekewe kapasen emirit epwe tolong lon feiengau.

Eman aramas mi wenechar epwe manau fän kinamwe, nge eman mi rikirik epwe pwäpwäla an föför, epwe pwal angei chappan.

Ach niokusiti ewe Samol mi Lapalap a alangatama manauach, nge ierin manauen ekewe aramasangau epwe mochomoch.

Ewe Samol mi Lapalap esap mwüt ngeni ekewe chon pwüng pwe repwe echik, nge a alichipüngü ekewe aramasangau pwe resap angei mine ra mwäräkichiti.

Wesin än ewe mölümöl enito, ekewe aramasangau resap chüen nom, nge ekewe chon pwüng ra nüküchar tori feilfeilachök.