Popular Bible Verses from Aisea 44

Share

Üpwe ninätiu koluk won fanüen chon kaka, üpwe pwal apupu chanpupu lon leni mi pwasapwas. Iwe, üpwe anomu Ngüni won mwirimwirum kana, pwal ai feiöch won noum kana.

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Üa amorala om tokotokongau usun eu kuchu, pwal om tipis kana usun och ötüöt. Kopwe liwinitiei, pun ngang üa angasok.”

Nei aramas, ousap fokun niuokus. Ifa usun, üsap aiti ngenikemi seni me lomlom tori ikenai o pwärätä ngenikemi meinisin mine epwe fis? Ämi nei chon pwärätä. Ifa usun, a wor eman Kot lüki? Apwi, esap fokun wor eu Achau lüki. Üsap silei eu.

Ngang ewe Samol mi Lapalap üa föruk o afisuk me lon letipen inom, üa pwal alisuk. Kosap niuokus, Israel nei chon angang, Jesurun nei we üa filätä.