Popular Bible Verses from Aisea 45

Share

Üpwe fang ngonuk wöü mi iseis lon rochopwak, pwal pisek mi aüchea mi nom lon leni mi monomon, pwe kopwe silei pwe ngang ewe Samol mi Lapalap ewe Koten Israel, ewe a köri ngonuk itom.

“Üpwe akom mwom o atekisonätiu chuk kana. Üpwe ataetiu ekewe asam piras o atatakisi lokkur.

Ngang ewe Samol mi Lapalap, esap wor eman lüki, esap pwal wor eman Kot lüki. Üpwe atufichuk, inamwo are kosap sileei. Üa föri ei pwe aramas seni ötiu tori lotou repwe mefi o silei pwe esap fokun wor eman Kot lüki. Ngang ewe Samol mi Lapalap, esap wor eman lüki.

Ngang üa förätä saram, üa pwal förätä rochopwak. Ngang üa awarato feiöch me feiengau. Ngang ewe Samol mi Lapalap, üa föri ekei mettoch meinisin.”

Oupwe kulitiei, ämi aramasen fanüfan meinisin, pwe oupwe küna manau. Pun ngang Kot, esap pwal wor eman lüki.

Iei alon ewe Samol mi Lapalap ngeni Sirus nöün we mi kepit, a pwal awisa pwe epwe akufu ekewe mwü mi nonom mwan o akisikisätiu nemenemen ekewe king, epwe pwal suki asamen ekewe telinimw mi nom mwan pwe resap chüen kapüngüla

Iwe, üa püsin akapelüei, nge kapasen awei a let, esap pwal siwil, ‘Aramas meinisin repwe feito o fotopwäsuk ngeniei, nge ir meinisin repwe pwon fän akapel, pwe repwe allükülük ngeniei.’

Fän iten nei chon angang Israel, nei we üa afili, üa köri ngonuk itom, üa pwal aita ngonuk eu it mi iteüöch, inamwo are kosap sileei.