Popular Bible Verses from Aisea 42

Share

“Ngang ewe Samol mi Lapalap, üa filukutä fän wenechar, üa pwal amwöchü poum o tümwünuk. Iwe, üpwe föri reöm eu pwon ngeni aramasen fanüfan meinisin, kopwe pwal uwato saram ngeni chon ekewe mwü won fanüfan. Iwe, kopwe anelai mesen chon chun, kopwe angasa chon fötek seni lon imwen fötek, kopwe pwal apichala chokewe mi nom lon rochopwak.

Ngang ewe Samol mi Lapalap, iei chök itei. Iwe, üsap ngeni eman kot ai ling, üsap pwal ngeni ekewe uluulun anümwäl ai iteüöch.

Iwe, ewe Samol mi Lapalap a apasa, “Iei i nei we chon angang üa apöchöküla, nei üa afili, üa unusen pwapwa ren. Üa anomu Ngüni won, nge i epwe awarato pwüng ngeni mwün fanüfan meinisin.

Esap kupiela efoch äsät mi puopu, esap pwal kunuela efoch wiik mi kümochoch. Iwe, epwe awora pwüng fän allükülük. Esap achanü are mwörürütiu tori epwe wes me anüküchara pwüng won fanüfan. Iwe, chon ekewe fanüen lematau ra witiwiti an kewe allük.”

Iwe, üpwe emweni chon mesechun won efoch al resap silei, üpwe afetaleer won ekewe al resamwo fetal won. Üpwe awili ewe rochopwak mi nom mwer ngeni saram, nge ekewe leni mi pwüküpwük üpwe awili ngeni leni mi sosonöch. Ekei mettoch üpwe apwonüetä, nge üsap likiti och.

Nengeni, ra fen pwönüetä ai kewe kapasen osuni seni me lom, nge iei üpwe pwärätä mettoch mi fö mwen ar repwe fis.”