Popular Bible Verses from 1 Petero 3

Share

Kake enkena taa ltauja linchi aajo keisinyati Kristo, oara sii Laitoriani linchi, nirretenana payie iwolikiki pooki ng'ae oipar ntae ajo nyo eitacheyie siligi linchi. Kake entaas inia to mborron o ta nkanyit, ining'ning taa ltauja linchi aajo kore inia niwolikitata naa kedede, paa kore lolo oodek ntae aaitarruoo nkarn tankaraki e lwuenet linchi supat taatua Kristo, neitami anyit.

Amu kore nkonyek e Laitoriani naa loosipat eing'or, neinining nkiyiaa enyena nkomono enche. Kake netusuboka nkomom enye laasak loo ntorrok.>>

Emincho sikar inchi e sesen eaku, ne nkitibirata ee lpapit nipikaka masaa e saabu naagol nkinyiang'a, tanaa inchopchop nankan naaipaipai, kake enchoo sikar inchi eaku naa ltauja, inia sikar nemelioo nememutari, aa taa ltau oanana nebor, inia taa eiken Nkai ajo toki tekue ninye.

Amu kejo lkigerot sinyat, <<Kore ilo oyieu neng'idakino nkichon nedol mperot supati, naa keyiere payie eibooyo lng'ejep lenye pee meiro ntorroni, nemeimunyie nkutuk enye sapare. Keyiere payie meitoki aas ntorrok, kake payie eas supati, neyiaya seriani, nenyok aing'oru.

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor. Emilaaki ltung'ani ntorrok too ntorrok anaa ldeket te ldeket, kake entalaaki mayian amu inia eipotoka ntae Nkai payie itumtum mayian metaa ninchi.

Amaa, ng'ae sa oitaas ntae ntorno, tanaa inyoknyok aas supati?

Keyiere payie meitoki aas ntorrok, kake payie eas supati, neyiaya seriani, nenyok aing'oru.

Amu naikach teneitami ntae sina iasitata supati, tanaa duaake yieunoto e Nkai inia, alang teneitami ntae sina iasitata ntorrok.