Popular Bible Verses from 1 Petero 2

Share

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae. Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.

Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya. Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.

Naaku kore ipuonunu netii Kristo, ilo soit oichu oaatanya ꞉ltung'ana, kake netegeluaki nera le tipat too nkonyek e Nkai

Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

Amu keyieu Nkai payie intigirgir ltung'ana oamada ooiro mbaa nemedede, iasias sipat.