Popular Bible Verses from ዳዊት 18

Share

እግዚኣብሄር ከውሐይ፥ ዕርደይን መድሓኒየይን እዩ፤ ኣምላኸይ፥ ብእኡውን ዝእመነሉ ረዳእየይ፥ መተኣማመኒየይን ቀርኒ ምድሓነይን መፀግዕየይን እዩ።

መንገዲ ኣምላኸይ ፍፁም እዩ፤ ቃል እግዚኣብሄር ፅሩይ እዩ፤ ንሱ ነቶም ንእኡ ዝእመኑ ዅሎም ዋልታኦም እዩ።

ምስጋና ንዝግብኦ እግዚኣብሄር ክፅውዕ እየ፤ ካብ ፀላእተይውን ክድሕን እየ።

ብጊዜ መከራይ ንእግዚኣብሄር ፀዋዕኹዎ፤ ናብ ኣምላኸይውን ኣእዌኹ፤ ካብ መቕደሱውን ድምፀይ ሰምዐ፤ ገዓረይውን ኣብ ቅድሚኡ ናብ ኣእዛኑ ኣተወ።

ኦ ጐይታ፥ ንስኻ መብራህተይ ተብርህ፤ ኣምላኸይ እግዚኣብሄር፥ ንፀልማተይ የብርህ።

ሓይሊ የዕጥቐኒ፥ ንመንገደይውን የቕንዐለይ፤

እግዚኣብሄር ህያው እዩ፤ ኣምላኸይውን ብሩኽ እዩ፤ ኣምላኽ መድሓኒተይውን ልዕል ልዕል ይበል።