Popular Bible Verses from Kol 3

Share

Ku haraabe hariho oine eki arikufa na mugyenzi we, bagumisiririzane kandi basaasirane. Nk'oku Mukama yaabasaasiire, naimwe mube nikwo mwasaasirana.

Mute omutima aha by'omu iguru, bitari by'omu nsi

Kyona eki muraakore, mukikore mwihire aha mutima, nk'abarikuheereza Mukama batari bantu.

Mbwenu nk'entoore za Ruhanga, abarikwera kandi abakundwa, mugirirane esaasi, embabazi, obucureezi, okutwaza mpora n'okugumisiriza.

Ekigambo kya Kristo ka kigume omuriimwe kihundiriire, nimwegyesana kandi nimuhanana omu bwengye bwona; nimweshongora zaaburi ezirikwera, n'ebyeshongoro n'ebigunjano ebibateirwemu Mutima, nimusiima Ruhanga omu mitima yaanyu. Kyona eki muraagambe n'eki muraakore, mukikore omu iziina rya Mukama Yesu, nimusiima omuriwe Ruhanga Taata.

Ahari ebyo byona, mwongyereho rukundo ekomerana ebintu byona, bikakwatanisiza kimwe.

Mbwenu nu, ku muraabe mwazoirwe hamwe na Kristo, musherure ahaby'omu iguru, ei Kristo ari, ashutami aha rubaju rwa buryo orwa Ruhanga.

Mbwenu obusingye bwa Kristo, obu mwayeteirwe kuba engingo z'omubiri gumwe, ka butegyekye omu mitima yaanyu; haza mugume musiime.

N'ahabw'ekyo mwite eby'ensi ebiri omu ngingo zaanyu: obushambani, eby'enshoni, okwimukiirira kw'omubiri, okwetenga okubi, n'okururuuhira eby'ensi bikaba emandwa yaanyu.

ahabw'okuba mukafa kandi amagara gaayu gasherekirwe na Kristo omuri Ruhanga.

Kwonka mbwenu ebi byona mubirekye: ekiniga, okuguubwa kubi, eitima, okubeiherera abandi n'okugamba eby'enshoni.

Mutaribeihana, ahabw'okuba mukayeihaho entuura eya ira n'emitwarize yaayo; mwagira entuura ensya. Egyo ntuura nsya, Ruhanga owaagihangire aguma naagyongyera kugihindura nsya omu kumushusha, ngu mubone kumanyira kimwe nkawe.

Abashaija, mukunde abakazi baanyu, kandi murekye kubaitsa omwaga.

Abaana, muhurire abazaire baanyu omu buri kintu, ahabw'okuba ekyo kigwisa gye Mukama.

Abakazi, mugume mworobere baabaroimwe, nk'oku kishemereire ab'omuri Mukama.