Popular Bible Verses from 1 Kor 2

Share

Kwonka buri nk'oku kyahandiikirwe ngu: Ebi eriisho ritakareebaga, ebi okutu kutakahuriraga, ebitakataahaga mu mutima gw'omuntu, nibyo Ruhanga yaacumiire abamukunda.

Omuntu nyabuntu taikiriza bya Mutima wa Ruhanga; ahabw'okuba bimubeera eby'obushema, kandi tabaasa kubyetegyereza, ahabw'okuba bishoboororwa omu buryo bwa Mutima.

Kandi ebyo, itwe Ruhanga akabitushuuruurira omuri Mutima. Ahabw'okuba Mutima acondooza byona, nangwa n'ebya Ruhanga ebitacodoozibwa.

Kandi itwe omutima ogu twahairwe ti gw'ensi egi, kureka tukaheebwa Mutima owaarugire ahari Ruhanga, ngu tubone kumanya ebiconco bi Ruhanga atugabira.

Emigambire yangye n'okurangirira kwangye bikaba bitari bigambo by'obwengye ebirikwikirizisa abantu, kureka ebirikworekyerwamu amaani ga Mutima, ngu okwikiriza kwanyu kuteegamira obwengye bw'abantu, kureka amaani ga Ruhanga.