Popular Bible Verses from 1 Kor 1

Share

Kureka Ruhanga akatoorana ebishema omu nsi kuhemura abanyabwengye, yaatoorana ebitaine maani omu nsi kuhemura ebigaine.

Manya ekigambo omusharaba kibeera abarikuhwerekyerera obushema, kwonka itwe abarikujunwa kitubeera amaani ga Ruhanga.

Ahabw'okuba obushema bwa Ruhanga bukira obwengye bw'abantu, n'amaani makye ga Ruhanga gakira amaani g'abantu.

Ruhanga, owaabeetsire kukwatanisa n'Omwana we Yesu Kristo Mukama waitu, n'omwesigwa.

Beene Taata, nimbeehanangiriza omu iziina rya Mukama waitu Yesu Kristo, mwena ku mwikirizana, mukareka kwecwamu, kureka mukakwatanisa mwine omutima gumwe n'ebiteekateeko bimwe.

Mbwenu omunyabwengye arahi? Omwegyesa w'eiteeka arahi? Omuhakani w'obusingye obu arahi? Ruhanga shi, tarahindwire obwengye bw'ensi egi obushema?