Popular Bible Verses from Matiye 6

Share

«Kire kɛnmɛ nɛ̄, ye- kíni yeri Kulocɛliɛ Kùlofɔligɔ nɛ́ wi sínmɛ pire caa gbínʔɛnɛ, bɛ̀ Kulocɛliɛ wi bé tire dáà ti mìɛni fàri dè baa yeli mɛ́.

Nɛ̀ pínɛ ye fǎri sɔ̀ngíʔ, bè yeli funyɔ yaʔa yè yiri curugu mbànʔa ŋáà wi báan nɛ̄ wèʔ. Nɛ̀ taʔa gíi nɛ̄, mbànʔa wi bága de cáan nɛ́ wìi ní. Cɛngɛ ó cɛngɛ nɛ́ ki fùrɔgɔ.»

«Kire kɛnmɛ nɛ̄ m'bé ki juu yeli mɛ́: Ye fǎri sɔ̀ngí yeli sìi wori nɛ̄ dèʔ bé jo: ‹Gáa weli bága káa ?›, á kire 'laa ‹Gáa weli bága taa bè gbuɔ ?› Nɛ̀ pínɛ ye fǎri yeli cetinnɛ wori sɔ̀ngí dèʔ, bé jo: ‹Gáa weli bága leʔ ?› Siɛn sìi wiì tóri léʔ yaliire nɛ̄ dè ? A cetinnɛ míɛni ni 'tóri fɛ̀nilewe nɛ̄ wè lé ?

Muɔ wè, a muɔ je Kulocɛliɛ náari wè, ma jíin muɔ saʔa laamɛ nī bè, má kɔ̀ri tɔ́n gè mári muɔ Tuu náari wè; wiī baa làrimɛ nī bè. Bɛ̀ muɔ Tuu wè, wi nyɛ́ni wéli nɛ nyaʔa baa làrimɛ nī bè, wi bé ki tɔ̀ni kɛn wè muɔ mɛ́.

«Yeli bèle a yeli je Kulocɛliɛ náari wè, ye jo: ‹Weli Tuu ŋáà wī baa nyìʔɛnɛ nī lè, siɛn ó siɛn 'yɛli bèri muɔ míʔɛ kpóri gè, muɔ wī Kulocɛliɛ wè. Muɔ Kùlofɔligɔ ki de báan, muɔ nyɛ́ni kaala ni de kpínʔini náʔa dàala nɛ̄ lè, majo mɛni niī nɛ kpínʔini baa nyìʔɛnɛ nī lè.

Pàngɛ gè weli siliire kɛn dè weli mɛ́ dìi ti bé weli yɛli dè.

Weli kapiʔile yaʔa gèle weli nɛ̄, majo bɛ̀ weli nɛ bìli pe kapiʔile yɛri gèle pe nɛ̄ bèle.

Fǎga ki yaʔa weli tuu puuwelige nīʔ, ma sí weli suɔ Sìpiiwe mɛ́ wè. [Nɛ̀ taʔa gíi nɛ̄, kùlofɔligɔ gè nɛ́ fànʔa ní gè, nɛ́ kpuɔmɔ ní bè, tiī muɔ wori súuri. Ki- taa ki puu bɛ̀.]›

«Ki 'nyaa a yeli nɛ ki yɛri siɛnnɛ nɛ̄ bèle pe kakolido dáà pe kpínʔini dè, yeli Tuu ŋáà wī baa nyìʔɛnɛ nī lè, wi bé yeli tuudiʔɛlɛ wuʔu yaʔa gè yeli nɛ̄ bè pínɛ.

Ye- sínjinʔɛnɛ wéli gèle baa naamɛ gè: ke wè nɛ yatanʔara táriʔ, ke wè nɛ yaliire líi nɛ tɛ́ngiʔ, síkaanya wè ti mɛ́ʔ. Nɛ̀ sí ki taa yeli Tuu ŋáà wī baa nyìʔɛnɛ nī lè, wiī nɛ ke kanʔa ke líi. Yeli sì dúʔu pɔ́ri sínjinʔɛnɛ nɛ̄ gèle nɛ̀ fáala ?

«Ye fǎri lɔri fàá de tɛ́ngi bile yìye wori duniya nī wèʔ; dɔnwɔ nɛ́ kpɛ̀nimɛ yē bile ti nìɛ yɛrɛ córi, kàyuulo yē bile nɛ̀ pínɛ, pe nìɛ saaya kabari yè nɛ jiin nɛ yɛrɛ yúu dè. Gìi ki 'pɔ́ri gè, yeri lɔri fàá dè yeri gbunʔuni yìye wori nyìʔɛnɛ nī lè; kire tiʔɛ nī gè dɔnwɔ wè baaʔ, kpɛ̀nimɛ míɛni wè baaʔ bàga yɛrɛ cúʔɔʔ, kàyuulo míɛni wè baaʔ bàga saʔa kaaʔ bé nɛ́ ga jo bè yùuʔ. Ki 'nyaa a muɔ lɔri tiī tiʔɛ gíì nī gè, baa muɔ fungo ki nɛ̂ puu kire tiʔɛ nī.»

«Siɛn sǐ gbɛ̀ri baara kàfɔlilɔ siin mɛ́ʔ, fúɔ macɛn wàa nigbe bé wi biɛn, dí wàa sí wi dɛ́ni; á kire bɛ̀ʔ wi bé wàa nigbe cò kpuʔɔ, dí ŋìi wi sí wi biɛn. Yeli sǐ gbɛ̀ puu Kulocɛliɛ sùkuloloʔ, bé ní puu lɔri sùkuloloʔ.»

A Kulocɛliɛ wi sí nɛ sìnbirige nyàʔa fèrí gè kire kɛnmɛ nɛ̄ bè, gàa we nyaʔa pàngɛ gè, nɛ̀ sí ki taa mbànʔa kàsun bága ki sórigo gè, wiǐ ga yeli nàbuɔrɔ yaʔa dè ti- nyuɔ bè tóri nyàʔa wori nɛ̄ dè lé ? Yeli tɛ́ngɛlɛ ni 'cɛ́ri díɛ !

Muɔ wè, a muɔ je kpuʔɔrɔ kpíʔile fuunmɔfɔli mɛ́ wè, ma fǎga tí muɔ kàmɛgɛ ki- ki cɛ́n gàa muɔ kàliige ki nyɛ́ni kpínʔini gèʔ; bɛ̀ ki bé kpíʔile muɔ kpuʔɔrɔ ti bé kò làrimɛ nī, dí muɔ Tuu ŋáà wi nyɛ́ni wéli nɛ nyaʔa baa làrimɛ nī bè, wi sí ki sàri kɛn wè muɔ mɛ́.»

«Ye- tíi díɛ ! Ye fǎri yeli sínmɛ tári bè siɛnnɛ nyapigele nɛ̄ peri yeli wéliʔ. A kire 'laa wè, yeli sǐ ga tíi bé tɔ̀ni taa yeli Tuu mɛ́ wèʔ, ŋàa wī baa nyìʔɛnɛ nī lè.

«A ki sí yē sún yeli 'le wè, ye fǎga puu bɛ̀ jànvaafɔlilɔ yiɛpiɛnrɛfɔlilɔ tíɛlɛ bèleʔ, pe nìɛ ki kpínʔini siɛnnɛ pe- ki cɛ́n peli yē sún nɛ̄. M'bé ki juu yeli mɛ́ kányiʔɛ nɛ̄, pe nyɛ́nì pe sàri taa wè nɛ̀ kúɔ. Muɔ wè a muɔ 'sún le wè, ma muɔ yiʔɛ jíge gè má mìɛ gbòbori cɛ̀ngɛ siɛnnɛ pe fǎga ki cɛ́n muɔ 'sún leʔ; muɔ Tuu ŋáà sí wī baa làrimɛ nī bè níɛ nyaʔa wè, wi bé ki sàri kɛn wè muɔ mɛ́.»