Popular Bible Verses from Matiye 7

Share

«Yeri náari, yeli bé taa; yeri caa, yeli bé nyaa; yeri kɔ̀ri kóli gè, pe bé ki múgu yeli mɛ́.

Nɛ̀ taʔa gíi nɛ̄, siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

«Kire nɛ̄, siɛn ó siɛn wi nyɛ́ni mi siɛnrɛ dáà lúru dè níɛ ti tári dè, siɛn wi bé gbɛ̀ tɔ́nminɔ nɛ́ siɛnsiciliwe ní, wire nyɛ́nì wi saʔa faan gè sìndɛnigɛ nɛ̄.

«Kire nɛ̄, gìi ki mìɛni yeli nɛ caa siɛnnɛ peri kpínʔini yeli mɛ́ bèle, yeli míɛni bèle yeri ki kpínʔini pe mɛ́ de pínɛ; bɛ̀ Misa Fànʔa Siɛnrɛ ti 'jo ki de kpínʔini, tire dī nuro nɛ́ Kulocɛliɛ siɛnjuulo pe siɛnrɛ ní dè.»

Koligo gíì ki nyɛ́ni waa sìi tiʔɛ nī gè, ki wìile ni tɔ̀ni yē cíɛlɛ díɛ ! á ki koligo ní gè còrigo. Siɛnnɛ cɛ̀ri pe nyɛ́ni ki taʔa.»

«Yeri jiin wìile níì nī còrilo lè, á kire 'laa wè wìile náà nī kpuɔlɔ lè á ni koligo ní gè píɛligɛ gè, lire yē nɛ waa cúʔɔmɔ tiʔɛ nī wī; siɛnniʔɛnɛ sí yē nɛ jiin ki koligo gáà nī gè.

A ki yē bɛ̀ gè, yeli bálì bīɛlɛ sìpiile bèle, yeli 'jáa bè yacɛ̀nrɛ kɛn macɛ́n yeli pìile mɛ́ bèle, yeli sì ki cɛ́n lé yeli Tuu ŋáà wī baa nyìʔɛnɛ nī lè, wi bé yacɛ̀nrɛ kɛn bìli mɛ́ pe wi náari bèle, bè tóri yeli kɛngɛnmɛ nɛ̄ bè ?

«Ye fǎri kàyuʔu nyu siɛn nɛ̄ʔ, bɛ̀ Kulocɛliɛ míɛni sǐ kàyuʔu juu yeli nɛ̄ʔ. Nɛ̀ taʔa gíi nɛ̄, felige gíì nɛ̄ yeli nɛ kàyuʔu nyu gè siɛnnɛ nɛ̄ bèle, kire kanumɔ nɛ̄ pe bága kàyuʔu juu yeli nɛ̄. Ki 'nyaa yakirile níì ní yeli nɛ bìli wuʔu kíri gè, lire ní Kulocɛliɛ bága kíri bè le yeli mɛ́.

A siɛn ó siɛn sí mi siɛnrɛ dáà lúʔu dè, nɛ́ kò wi wè ti tári dèʔ, siɛn wi bé gbɛ̀ tɔ́nminɔ nɛ́ ledogo ní, wi 'wi saʔa faan gè dàrimiʔɛ nɛ̄ gè.

«Mɛni nɛ̀ síɛ muɔ nɛ karigɛ nyaʔa gè muɔ siɛnnyɛni wi nyapile nī lè, nɛ́ sí kò muɔ wè kàgɛnigɛ nyaʔa gè baa muɔ woli nī lèʔ ? Á kire bɛ̀ʔ, mɛni nɛ̀ síɛ muɔ bé gbɛ̀ muɔ siɛnnyɛni yɛ wè: ‹tí mi karipile náà fiɛ lè muɔ nyapile nī lè›, nɛ̀ sí ki taa kàgɛnigɛ yē baa muɔ woli nī lèʔ ?

«Yeri yìye ciʔige Kulocɛliɛ siɛnjuulo jànvaafɔlilɔ nɛ̄ bèle; ki siɛnnɛ pe nɛ̂ pɛn yeli kúrugu nɛ́ sìnbaala céri ní kpànʔanɛ gè, nɛ̀ sí ki taa laamɛ nī bè yacoyo yī. Pe yasɛnrɛ tire nɛ̄ yeli bé pe cɛ́n; yeli 'fìɛ ɛrɛzɛn kàtogo nyaa a pe 'ki cuɔ wíire tiige nī lé ? A kire 'laa sàanfiige yasɛngɛ nyaa a pe 'ki cuɔ wíifiige tiige nī lé ?

Bɛ̀ sí ki yē, a tiige ó tiige yē cɛ̀ngɛ gè, ki nìɛ yasɛnrɛ sɛngi cɛ̀nrɛ; tiige gíì sí gī fúnʔɔgɔ gè, ki nàa yasɛnrɛ sɛngi dè cúʔɔrɔ.

Tiige gáà gī cɛ̀ngɛ gè, kiǐ gbɛ̀ yasɛnrɛ sɛn cúʔɔrɔʔ, nɛ̀ pínɛ tiige gáà gī fúnʔɔgɔ gè, kiǐ gbɛ̀ yasɛnrɛ sɛn ti- puu cɛ̀nrɛʔ.

Tiige ó tiige ki sí wè nɛ yasɛnrɛ sɛngiʔ cɛ̀nrɛ dè, pe nɛ̂ ki ceri nɛ̀ wáa kàsun nī.