Popular Bible Verses from Matiye 5

Share

Pe nɛ̌ fètinnɛ mù lè bé yalege cúbulo ni nɛ̄ʔ; pe cî ni mù níɛ̀ ni taʔa fètindaʔaga naamɛ wī, ni nɛ̂ kpìɛnmɛ cáan siɛnnɛ pe mìɛni mɛ́ bàli bīɛlɛ baa saʔa nī gè. Kire nɛ̄, ye- tí yeli kpìɛnmɛ pi de càanná siɛnnɛ yiʔɛ mɛ́ gè, gìi ki bé tí peri yeli kacɛ̀ngɛlɛ nyaʔa gèle, bé sí de kpuʔɔrɔ tari yeli Tuu nɛ̄ wè, ŋàa wī baa nyìʔɛnɛ nī lè.

«Yeli bīɛlɛ duniya wi kpìɛnmɛ bè. Kàʔa gáà pe 'tɛ́ngɛ nyagurugo naamɛ gè, kiǐ gbɛ̀ làriʔ.

Bìli bīɛlɛ funyɔ ní yè fìiye yè, pe wuʔu kiī tànʔa; nɛ̀ taʔa gíi nɛ̄, peli bága Kulocɛliɛ nyaa wè.

Bìli bīɛlɛ sínmɛ pi woli ni 'kpúʔɔ pe mɛ́ majo bɛ̀ fungo nɛ́ luʔɔwuʔɔ cî siɛn taa wè, pe wuʔu kiī tànʔa, nɛ̀ taʔa gíi nɛ̄, pe funyɔ yi bága nyígi.

«Mi wè mi sí yeli yɛ, ye- ki yaʔa yeli leguulo pe- yeli dɛ́ni, nɛ̀ pínɛ bìli pe nyɛ́ni yeli wuʔɔ bèle yeri Kulocɛliɛ náari wè pe mɛ́.

«Siɛnnɛ bílì pe nyɛ́ni pìye cɛ́rigi funyɔ nī yè, pe wuʔu kiī tànʔa, nɛ̀ taʔa gíi nɛ̄, Nyìʔɛnɛ Kùlofɔligɔ kiī pe wuʔu.

Bìli pe nyɛ́ni ki caa yanyige taa gè, pe wuʔu kiī tànʔa; nɛ̀ taʔa gíi nɛ̄, pe bága de pe yeri Kulocɛliɛ pìile.

Bìli pe fuunmɔ kɔngɔ wáari gè, pe wuʔu kiī tànʔa, nɛ̀ taʔa gíi nɛ̄, Kulocɛliɛ bága pe fìɛlɛ.

Bìli pe nyɛ́ni wuʔɔ pe sínmɛ pire kɛnmɛ nɛ̄ bè, pe wuʔu kiī tànʔa; nɛ̀ taʔa gíi nɛ̄, Nyìʔɛnɛ Kùlofɔligɔ kiī pe wuʔu.

Bìli pe nyɛ́ni nyinimɛ tari bèle, pe wuʔu kiī tànʔa, nɛ̀ taʔa gíi nɛ̄, Kulocɛliɛ wi bága nyinimɛ taa pe nɛ̄.

A pe kɛ́ni yeli teri níɛ yeli wuʔɔ bèle, nɛ siɛncuʔɔrɔ felide ti mìɛni nyu nɛ finɛnɛ nɛ tari yeli nɛ̄ mi kɛnmɛ nɛ̄ bè, yeli wuʔu kiī tànʔa. Yeri fundaanra kpínʔini yeri muguri, nɛ̀ taʔa gíi nɛ̄, yeli tɔ̀ni wiī nìʔɛwɛ nyìʔɛnɛ nī lè. Kire kanumɔ pire nɛ̄ pe 'Kulocɛliɛ siɛnjuuliɛlɛ wuʔɔ bèle yeli yiʔɛ nɛ̄.

Bìli bīɛlɛ funnyigefɔlilɔ bèle, pe wuʔu kiī tànʔa, nɛ̀ taʔa gíi nɛ̄, peli pe bága dàala ni kɔrigɔ lìi gè.

«Yeli bīɛlɛ duniya wi yasuʔɔgɔ gè. A yasuʔɔgɔ ki tàanma pi sí kúɔ ki nī gè, gáa ní pe bé ní ki tɛ́ni cígini ? Kiì kò lé kanyuɔnɔfun yɛgɛ wī lé ? Ki 'kò pe- ki líɛ pe wáa kpànʔanɛ, siɛnnɛ de ki tánʔana de tòrí wī.

Yeli bèle, ye- puu tiɛlɛ fùn bɛ̀ yeli Tuu tíɛlɛ wè ŋàa wī baa nyìʔɛnɛ nī lè, mɛni wiī tiɛlɛ fùn wè.»

A ki yē muɔ 'jo ‹ʔaan› wè, ma ki yaʔa ‹ʔaan› wire nɛ̄. A ki sí yē muɔ 'jo ‹ʔéʔe› wè, ma ki yaʔa ‹ʔéʔe› nɛ̄ wè. A kire 'laa dìi siɛn cî ní nɛ̀ taʔa baa dè, tire yē Sìpiiwe wori wī.»

«Yeli 'ki lúʔu dí Misa Fànʔa Siɛnrɛ ti cé jo dí, a siɛn 'muɔ nyapile jaa lè, pe nyapile láà jaa wi nɛ̄; a siɛn 'muɔ gàanna kpúɔn nɛ̀ kɔ̀n wè, pe- gàanna láà míɛni kpúɔn pe kɔ̀n wi nɛ̄. Mi wè mi sí yeli yɛ, fǎri ki càá siɛn ŋáà mɛ́ wi 'kapiʔi kpíʔile muɔ nɛ̄ wèʔ. A siɛn 'muɔ kpúɔn kàliige gbandelige nɛ̄ gè, ma gbandelige gíì yiʔɛ gè wi mɛ́.

A ki 'nyaa muɔ kàliige nyapile lire ni nyɛ́ni muɔ falilɛ nɛ muɔ nii kapiile nī lè, -ni kɔ̀n ma wáa liʔi; nɛ̀ taʔa gíi nɛ̄, ki pɔ́ri muɔ yaliige nigbe cúʔɔ, náʔanɛ muɔ wobowo wè muɔ ga sa jíin bànguɔ kàsun nī gè. A ki sí yē muɔ kàliige kɔli kire ki nyɛ́ni muɔ falilɛ nɛ muɔ nyɔ́gi kapiile nī lè, -ki ceri ma wáa liʔi; muɔ yaliige káà nigbe cúʔɔgɔ 'pɔ́ri, sɛ́ni muɔ cetinnɛ ni mìɛni ni ga sa jíin bànguɔ kàsun nī gè.