Popular Bible Verses from Yirile 24

Share

Isirayɛli siɛnnɛ nyaamɛ nɛ̄ bè, Yewe cɛ̀nmɛ nɛ́ wi kpuɔmɔ pi 'puu bɛ̀ kàsun tíɛlɛ gàa ki cúʔɔmɔ kpínʔini bè, baa nyagurugo naamɛ gè. Bà Misa 'tánʔa nyagurugo naamɛ gè, a wi 'jíin baa kàsadibagɛ nī gè. Wi yé kò baa nyagurugo naamɛ gè fúɔ nɛ̀ pɛ́nì taa cɛnyɛ togosiin nɛ́ pìliye togosiin.

A Yewe cɛ̀nmɛ nɛ́ wi kpuɔmɔ pi 'tìgi Sinayii nyagurugo nɛ̄ gè, a kàsadibagɛ ki 'nyagurugo tɔ́n gè nɛ̀ taa cɛnyɛ kɔlini. Cɛnyɛ kɔlisiinwuʔu nɛ̄ gè, a Yewe 'Misa yeri wè kàsadibagɛ sunʔɔmɔ nī bè.

A Yewe 'ki juu Misa mɛ́ nɛ́ jo: «Pɛn náʔa m'mɛ́ nyagurugo nɛ̄ gè, ma pa yéri náʔa gè. M'bé kàdɛnitɛnyɛ kɛn yè muɔ mɛ́ nyàa nɛ̄ kajuudiʔɛlɛ ke yē sɛbɛgɛlɛ gèle, nɛ́ Fànʔa Siɛnrɛ ní dè, kire ga buu muɔ de siɛnnɛ tɛnmɛ bèle ti nɛ̄.»