Popular Bible Verses from Yirile 23

Share

Muɔ 'yɛli bèri Yewe muɔ Kulocɛliɛ wire nigbe gbùʔɔrɔ́. A muɔ nɛ kire kpínʔini gè, m'bé diba taʔa wè muɔ yaliire nɛ̄ dè nɛ́ muɔ luʔɔ ní gè. M'bé yaama líili bè muɔ nɛ̄. Cɛliwɛ sǐ ga tíi nyaa muɔ kùlo nī lèʔ ŋàa wi 'liyɛ cúʔɔ yèʔ, kire ga laa ŋàa wī sìndigicuɔ wèʔ. M'béri muɔ sìi niʔɛgi wè.

«M'bé mi nyìʔɛnɛ tundunwɔ tórigo wè muɔ yiʔɛ mɛ́, muɔ ŋáà wī mi siɛnmɛ bè, wiri muɔ wéli koligo nɛ̄ gè, bè sa muɔ nyɔ́gɔ tiʔɛ nī gè gàa mi 'gbòbori muɔ mɛ́ gè.

A muɔ sí nɛ wi siɛnrɛ lúru dè, níɛ ki kpínʔini dàa mi 'juu dè, m'bé puu muɔ leguulo pe leguu, bèri túngu nɛ́ bìli ní pe béri túngu nɛ́ muɔ ní wè.

Fǎga taʔa siɛnniʔɛmɛ nɛ̄ bè a ki 'nyaa piyē nɛ caa bè kapiile kpíʔile wèʔ; kàyuʔujuudiʔɛ nī gè, fǎga wúɔ nɛ́ siɛnniʔɛmɛ ní bè bé finɛʔ a ki 'nyaa piyē nɛ caa bè tànʔa ŋáʔana gè bè suɔ wèʔ. Fǎga puɔ fuunmɔfɔli nɛ̄ wèʔ bé tánʔa kɛn wi mɛ́ a ki 'nyaa wi 'finɛ wèʔ.

A Yewe ń'nɛ̀ ki juu nɛ́ jo: «Fǎga siɛn siɛnrɛ lúʔu bèri ti nyu de máriʔ, dàa ti wè kányiʔɛ gèʔ. Muɔ fǎga wúɔ nɛ́ siɛnpiiwe ní bé finɛ bè tànʔa kɛn wi mɛ́ʔ.