Popular Bible Verses from Marcos 7

Share

Jabechji̧ dibëa̧ chji̧ri pio judiri cjitëde chjai̧dëri̧ jo̧rȩtarea̧ üdë. Aja̧, eami̧ti̧ chjai̧dë oa japarea̧ üdë, jabechji̧ pumȩ chji̧ri pio judiri cjitëmȩde. Tjamo̧ davä. Iei̧ a̧dë chjäte goaramȩrȩ cjo̧ro̧rea̧ üdë, üi̧ oa a̧dë chjäte goarayi̧rȩ cjo̧ro̧rea̧ üdë, garürea̧ üdë, pumȩ pio ju̧i̧ ja̧bo tänȩpea̧ üdë, cja̧rȩmo̧ ja̧ iei̧ ji̧ bae ëba mo̧a̧pea̧ üdë, cja̧rȩmo̧ ja̧ üi̧ oa baë ëba mo̧a̧pea̧ üdë, jabechji̧ pumȩ ja̧ chji̧ri pio judiri cjitë maeade. Ado o ji̧ri̧ ja̧ pio ju̧i̧ dae ja̧bo dae ja̧bo darea̧ üdë, chjai̧dë oa japarea̧ üdë, o ji̧ri̧iäpȩmo̧ u̧i̧parea̧ üdë, ma̧i̧ da idi̧ da oa japarea̧ üdë, nȩmȩparea̧ üdë, teracabari̧ quëbamȩrȩ jo̧rȩtarea̧ üdë, ibëa̧ chji̧rämo̧ jo̧rȩtarea̧ üdë, chji̧ cotomi̧ dari̧ jo̧rȩtarea̧ üdë, o ji̧ri̧iäpȩmo̧ poë aechide yo̧rea̧ üdë, jabechji̧ pumȩ ja̧ chji̧ri pio judiri cjitë maeade. Ado pio ju̧i̧iä chjadëdëpe jäde pumȩ üdë Ütë tjamo̧ pio ju̧i̧iä —yo̧mȩrȩ ni̧bä chjaorëremȩdejȩrȩ Jechu judi jibëa̧ jadü ji̧ri̧.

Danȩrȩ, eami̧ pumȩ üdë igȩrȩ chiamȩrȩ jura̧ oaiä pumȩ chjadëdëpe jädëde Ütë tjamo̧ ju̧i̧iä. Tjamo̧ davä. Eami̧ pumȩ üdë, jënȩ jura̧ pio ju̧i̧iä chjadëdëpe jädë made, jabo jibëa̧ chji̧ri pio judiri cjitëmȩ pio ju̧i̧iämo̧i̧ chjadëdëpe jäde.

Ado Jechu judi dëbë yo̧mȩrȩ yo̧a̧dejȩrȩ: —Danȩrȩ, Ichaia judi no̧mȩ tjamo̧ri ja̧ go̧ȩparërea̧ ji̧, Ütërë ea jana̧ chjadüa̧ oa go̧ȩparërea̧ ji̧, jabechji̧ coëma cjiari̧ go̧ȩparëremȩde pio dibë chjiari. Danȩrȩ, jabomo̧ quëna̧cji̧ quëna̧ japaji̧ri̧rȩ cjo̧ro̧nȩrȩ mȩnȩro̧. Peaja̧di ta̧rëri̧ go̧ȩparëremȩde Ichaia judi. Tarëchji̧vä Ütë tjamo̧ judi yo̧rërea̧ ma̧ȩ oa: "Pio jiro pumȩ judiro̧ jibëa̧ ya maeara̧ goaeri̧ ni̧bädiro̧coe jibëa̧ chji̧dë maeara̧.

Badë jo̧rȩtadiro̧coe pio coaiäpȩmo̧ chjacjiamȩri̧ jo̧rȩtatärea̧ ji̧. Danȩrȩ, judiro̧ a̧ra̧no̧a̧ üdë teracaba maeade. Pumȩrȩ a̧ra̧ano̧rërea̧ duri maeade. Ca̧ ma̧ȩmi̧ dadë maea oa a̧ra̧ano̧diro̧jo̧ȩ." Aja̧, ja̧di ta̧rëri̧ go̧ȩparëremȩde Ichaia judi pio dibë chjiari.

Danȩrȩ, Ütë tjamo̧ ja̧ ma̧ȩ pio ju̧i̧ ta̧rëdiätärea̧ ji̧, cjäri̧ manȩrȩ, gi̧de ami̧ dari̧ japarenȩro̧jo̧ȩ. Ado teracaba pio ju̧i̧ jiadatärea̧ ji̧, pio ju̧i̧mo̧i̧ järiji̧ri̧rȩ ta̧rëdiänȩrȩ mȩnȩro̧, pumȩrȩ a̧ra̧ano̧rërea̧ duri pio ju̧i̧mo̧i̧ —yo̧a̧dejȩrȩ Jechu judi.