Popular Bible Verses from Marcos 6

Share

Ja̧dëa ji̧ Jechu judi yo̧a̧dejȩrȩ: —Danȩrȩ, pio yudiri go̧dütärȩ pumȩ decjiaräpȩ jäpea̧ oa, pio a̧ro̧rȩmo̧rȩ ëba cjiapea̧ oa, pio a̧ro̧rȩ chjadëri̧ järätä chjapapea̧ oa. Jabechji̧ pumȩ no̧i̧dërë pio ji̧ri̧iäpȩ ji̧dë ma go̧düdärä chjaoa̧ oaiä, pio ji̧ri̧ ji̧dë ma̧ tja̧reparȩa̧ oaiä, jabechji̧ chjadëri̧ ni̧bä chjaorea̧ dadëa̧dirȩ. Ado jibëa̧ jurarea̧ oa peaja̧di jurarea̧ dadëa̧dirȩ. Pio ju̧i̧iä yo̧a̧dejȩrȩ Jechu judi

Jabo Jechu judi yo̧a̧dejȩrȩ: —Danȩrȩ, pumȩ judiro̧ jibëa̧ chirirä ütëpea̧mȩ pio ju̧i̧ darä, Ütërë ea jana̧ chjadüa̧ oa ni̧bämȩ pio ju̧i̧ darä, jabechji̧ ba chia dadë madiro̧jo̧ȩ. Ado mȩnȩro̧ peaja̧di ba chia dadërenȩro̧coe. Ütërë ea jana̧ chjadüa̧ oa ni̧bämȩ oa ba chia dadërenȩro̧coe. Dibëa̧ chjarerä ütëpea̧mȩ oa, mȩnȩro̧ cjo̧ro̧mȩ bë ma̧ri̧räpȩ ütëpea̧mȩ oa, jabechji̧ ba chia dadërenȩro̧coe —yo̧mȩrȩ dëbë yo̧rëremȩdejȩrȩ.

Ado Jechu judi charari pio judiri bira̧ ji̧ darëremȩdejȩrȩ pumȩ buba tjamo̧ oa. Cjäri̧ri̧ cjia tjamo̧mȩrȩ darëremȩdejȩrȩ. Ovejami̧ da maea oa, jibë jidamȩ decjiami̧ da maea oa daea̧dejȩrȩ. Pio ju̧i̧iä taruparëremȩde pio ji̧ri̧iäpȩmo̧ a̧ra̧ano̧pea̧ ji̧. Ma̧ȩ ji̧ra̧ oa a̧ra̧ano̧a̧dejȩrȩ.

Ado judiro̧ quëba̧ pio ju̧i̧iä, jabechji̧ Jechu judi jauëchja cjiari̧ japarea̧ dadëa̧de pio ju̧ri̧pȩ. Jabo o ji̧ri̧mo̧i̧ oa, yo̧a̧ri̧mo̧i̧ oa ga̧re taramȩrȩ chjaparȩrëremȩdejȩrȩ, jabo pio ji̧ri̧mo̧i̧. Ado judiri japadëa̧de. Ado pumȩ judiro̧ pio jȩaiäpȩmo̧ quëna̧dëa̧ oaiä jabechji̧ ana̧ri̧ jo̧rȩtamȩpea̧de Jechu judi. Ja̧dëa ji̧ pio jiro chiriräpȩ chjätäti̧ cjiamȩrȩ bë ma̧ri̧ chjö̧na̧i̧ oa goëde järëremȩde pumȩ ji̧ri̧ a̧ra̧ano̧pea̧ oa.

Ja̧dëa ji̧ Jechu judi mitëa̧dejȩ chja̧pe oa, cja̧ȩta̧ra̧ ichimo̧i̧ oa, cho̧ yo̧a̧ri̧ oa. Ado a̧dëräpȩmo̧ gatë damȩrȩ ni̧bärëremȩdejȩ jibëa̧ Ama̧i̧ ju̧i̧, ja̧di ta̧rëri̧ yo̧mȩrȩ: —Ama̧i̧, chjadëri̧ yürüa̧renȩibe —yo̧mȩrȩ ni̧bäa̧dejȩ. Ja̧dëa ji̧ chja̧pe oa mu̧i̧ quirëno̧ ëte, jabechi̧ yürüchärëremȩdejȩrȩ jibëa̧ jadü ji̧ri̧ pumȩ pio ji̧ri̧iäpȩmo̧ chjarapë yürüpea̧ oa. Ado cho̧ oa, yo̧a̧ri̧ oa peaja̧di chjarapë yürüa̧dejȩrȩ jibëa̧ jadü ji̧ri̧ pumȩ pio ji̧ri̧iäpȩmo̧ ano̧ mire chjarapë yürüpea̧ oa. Ado pumȩ judiro̧ ütëborë jura̧dirȩ maipea̧rä yuro. Ja̧dëa ji̧ ütëborë mairi̧ jura̧ duri oa, Jechu ja̧ jadü judiro̧ boa̧diro̧jo̧ȩ cjiadiäa̧mȩ jurarea̧ pio ju̧i̧. Cho̧ go̧a̧ oa, chja̧pe pënȩ oa, boa̧dirȩ 12 taio tjuri cjiari̧.