Popular Bible Verses from Éxodo 7

Share

Moisesi nija abinaja Jeobaa a cuma. —Bei. Camiyä ya nö quili tamou lä culenaja, bada anö wa nö quili taö cuobä, bäfä tablamaö lä cule. Cafä wa wa̦no wäyäö fe dolemobä, a̦iyofä Aaloni a cuo mö feduo wä.

bada a lä cui ya bufi nia jifumabou. ’Ö̦jö däjä, Ejido tä ulifi jamö ya lojode dablamobä, bluca ya nö nia ma quiliaö wei ma cui, wafäcö a̦ nia ji̦liblaimi, bada anö. Wafäcö a̦ ji̦liblaimi cudeenö, ya̦cumö, Ejidoteli bä nija ya nia ishou. Ö̦jö däjä, iba bä lä bälöblai ya bä bluca fa toujublamalönö, ya bä bluca nia co̦aö, Isaeli ebä lä cui. Ya bä nö nia lä yuale däjä, ya waitelimou nö fa quilianö, Ejido jamö iba ya bä nia bluca co̦aö showadao.

Ejido jamö ya lä ishole däjä, cama bä nija iba ya bä co̦aö fe yadio ja, ö̦jö lä däjä Ejidoteli bä lä cuinö, Jeobaa wale nö nia Bada ö̦jöböaöje —Jeobaa a cuma.

Ö̦jö däjä, bada a lä cuinö, cama ebä bufi lä dao wei bä ma cui, bä lä fecula wei bä ma cui, ö̦jö bä nacaamalema. Ö̦jö Ejidoteli bä jäo lä mlai bä fecula lä cui, bä feculamou fa showaonö, Aaloni a lä cuaano weinaja, cama bä ma cui, bä cuaaö mö feduo showaoma. Ö̦jö bä bluca lä cuinö, fii efibä fa shäyäblacöjenö, olu bä bluca cublou mö fedua showalayoma. Ö̦jö ma cui, Aaloni e definö, ö̦jö cäcö olu lä cuinö, ai bä li olu sufaaquema.

’Jeobaa ei ya wa̦ lä cui, wale a̦no nia wäyäö co̦o. Cama nija, Jeobaa ya nö Bada ö̦jöböamobä ya nö nia quiliaö. Tä möbä, ö̦jö lä. Wa defi lä bole definö, Nilo u jamö mau wa u nia shäaö. Wa u fa shäcönö, u nia i̦yäblou.

—Bada anö wafäcö bejedimou wabaö däjä, “Jeobaa a lojode da dabömalalö”, a cuu däjä, a̦iyofä Aaloni nija cafä wa wa̦ nia faö. Abinaja wa e nia cuu. “Afä fii wa fi fa dälönö, bada a nija fi da shäyäblacö, olu cäcö cublobä”, wa e nia cuu —Moisesi a nowa tama. Ö̦jö cudeenö, bada a nija, Moisesi, Aaloni sho cäcöbö icua fa co̦icunö, Jeobaanö cäcöbö nowa taö ja, a lä cuno weinaja cäcöbö cuaaö showaoma. Bada a ma cui, cama ebä lä yädämabono wei bä ma cui, ö̦jö bä lä cule jamö Aaloninö fii efi fa shäyäblacönö, olu cäcö cublaliyoma.