Popular Bible Verses from Éxodo 8

Share

Ejidoteli bä fecula lä cuinö, walaba coshibä wawämaö mö feduobeje, bä ma wabäono wei ma cui, bä doblonomi. Inaja tä fa cublalunö, yanowamö täbä nijamö ma cui, yalo bä nijamö ma cui, walaba coshibä jödödöblaliyoma. Bada a lä cui nija, cama ebä lä fecula wei bä lä cui, abinaja ebä cuma. —¡Ei Yai Bada tä mayo waiquiwä, ei, ei! —a nowa ma tano wejei ma cui, bada a bufi jifuo fa waiquionö, bä a̦ ji̦lianomi, Jeobaa a lä cuno weinaja showawä.

Ö̦jö däjä, abinaja Jeobaanö Moisesi a nowa tama. —Bada a nija wa fa lucälönö, a da yömöla. “Jeobaa ya wa̦no wäyäö lä cule”, wa nowa taö dodijio. Iba bä shömaö co̦o da bufi, wale nofi co̦camoabeje.

Ö̦jö ma cui, tä jaba dodijidablou co̦o fa dalalönö, bada a bufi jifudou co̦layoma. Cäcöbö a̦ ji̦lianomi co̦wä, Jeobaa a lä cuno weinaja showawä.

Bä noshi umabou dicoo ja, ¡bejedi lä ya bä nö nia bleaamaö! Bucu bucumö bänö cama ya ebä ulifibö nia jödödöwä wa̦liamaö cuaaö.

Ö̦jö däjä, Moisesi nija abinaja Jeobaa a cuma. —Bei. Aaloni a da yömöla. Fii wa defi fa dämalänö, mashita jamö bä coshi coshi lä cule bä shämaö da bufi, Ejido tä jödödöwä jamö walaba coshibä cublobä —a nowa tama.

Inaja Jeobaa a cuaaö showaoma. Bada a yafibö ma cui jamö, cama ebä lä yädämabono wei bä yafibö ma cui jamö, asibä bluca shimocole fablou nö quiliama. Ejido jödödöwä tä ulifi jamö ma cui, blicumö asibänö, tä ulifi wa̦lidiblaliyoma.