Popular Bible Verses from Marangu 10

Share

“Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose, ndi kusunga marangu ndi visambizgu vya Ambuya, vyo ndimulanguliyani zuŵa lino, kuti kumuŵiyeni umampha.

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Ndiyo unkhankhu winu, ndiyo Chiuta winu, mweniyo wamuchitiyani vinthu vikuru ndi vyakofya, vyo maso ghinu ghawona.

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

Nadi machanya gha kuchanya, charu chapasi ndi vyose vyo vye mwenimo ndi vyo vya Ambuya Chiuta winu.

Viyo mwanje mlendo, pakuti imwe namwe mwenga ŵalendo mu Egipiti