Popular Bible Verses from Marangu 11

Share

Muŵasambizge ŵana ŵinu, mu kukamba mazu gho po mwaja mu nyumba ndipo mutenda pa nthowa, po mugona pasi ndi po muyuka.

“Viyo mughasunge mazu ghangu yagha mu maghanoghano ghinu ndi mu mtima winu, mughamangiriye pa janja nge nchisimikizgu ndipo ghakaŵanga nge nchifuku cha chiremba pa maso ghinu.

“Asani muvwiyenge marangu ghangu gho ndimulanguliyani zuŵa lino, kwanja Ambuya Chiuta winu ndi kumuteŵete ndi mtima winu wose, ndi umoyo winu wose, wapaskenge vuwa pa charu chinu, mu nyengo yake, vuwa yakwamba ndi vuwa ya umari, mwakuti muwunjike trigu winu ndi vinyo winu, ndi mafuta ghinu.

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

“Wonani ndiŵika panthazi pinu zuŵa lino, thumbiko ndi thembo. Thumbiko, asani muvwiya marangu gha Ambuya Chiuta winu ghenigho ndakulanguliyani zuŵa lino. Thembo, asani mureka kuvwiya marangu gha Ambuya Chiuta winu kweni kupatuka mu nthowa yo ndikulanguliyani zuŵa lino, kurondo ŵachiuta ŵanyake ŵeniwo mulivi kuŵaziŵa.

Ndipo mugharembenge pa mphanjizgu za nyumba zinu ndi pa malikomo ghinu, kuti mazuŵa ghinu ndi mazuŵa gha ŵana ŵinu ghaŵe ghanandi mu charu chenicho Ambuya angurapiya auskemwe kuŵapaska, nyengo yose yo machanya ghakaŵiyanga pachanya pa charu chapasi.

Chenjeni, vinu mtima winu unganyengeka, ndipo mungang'anamuka ndi kuteŵete ŵachiuta ŵanyake ndi kuŵasopa