Popular Bible Verses from 1 Yohane 4

Share

Mulive wofi mu chanju: kweni chanju chakufiskika cho chidika wofi, pakuti wofi we ndi chilanga; ndipo yo ngwakopa walive kufiskika mu chanju.

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

Ifwe titanja, pakuti iyo danga wangwanja ifwe.

Mwaŵakwanjiwa, tanjane: pakuti chanju nchakutuliya kwaku Chiuta; ndipo yose yo watanja wapapika kwaku Chiuta, ndipo watumziŵa Chiuta.

Yo wareka kwanja walive kumziŵa Chiuta; pakuti Chiuta nchanju.

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

Mwaŵakwanjiwa, asani Chiuta wangwanja ifwe viyo, nafwe so titenere kwanjana.

Mwaku chenichi chingurongoleke kuchiri kwaku ifwe chanju cho chaku Chiuta, mwakuti Chiuta wangutumiya Mwana wake wakuwa viya mu charu, alinga kuti tiŵenge ndi umoyo mwaku iyo.

Asani munthu watiti, “Nditumwanja Chiuta,” ndipo watinkha mbali wake, ndi mtesi: chifukwa mweniyo wareka kwanja mbali wake, mweniyo watumuwona, kuti waziŵa cha kumwanja Chiuta mweniyo valive kuwona.

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

Ndipo dangu lenili tenalo kutuliya kwaku iyo, lakuti mweniyo ngwakumwanja Chiuta, wanjenge so mbali wake.

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu. Mwaku chenichi muziŵa Mzimu waku Chiuta: mzimu we wose wakuzomera kuti Yesu Kristu waziya mu liŵavu, ngwakutuliya kwaku Chiuta

ndipo mzimu wose wakureka kumzomera Yesu, kuti ngwakutuliya kwaku Chiuta cha. Ndipo mweniyo ndi mzimu wa mkanakristu yo, mweniyo mwavwapo kuti watuza; ndipo sono we mu charu kali.