Popular Bible Verses from 1 Yohane 3

Share

Mwatwana twangu, tinganjiya mu mazu pamwe mu lilime cha; kweni mu nchitu ndi mu uneneska.

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

Munthu yose yo wapapika kwaku Chiuta kuti wachita chilakwa cha, pakuti mbeu yake yijaririya mwaku iyo: ndipo kuti waziŵa kulakwa cha, pakuti wapapika kwaku Chiuta.

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

Pakuti wenuwu mbuthenga wo, weniwo mwavwa kutuwa ku mtendeku, kuti tanjane

Mwa ŵabali, mungazizwanga asani charu chikutinkhani.